„ყოველთვის მიგულეთ გვერდით! — თქვენი რაჭველი“ | Jolo.ge


„ყოველთვის მიგულეთ გვერდით! — თქვენი რაჭველი“

„ყოველთვის მიგულეთ გვერდით! — თქვენი რაჭველი“

ჩემი სამუშაო გრაფიკიდან გამომდინარე ყველა მოვლენას, რაც ქვეყანაში ხდება, გვიან ვიგებ ან ზოგჯერ ყურადღების მიღმა მრჩება…

მაგრამ მინდა ჩემმა მეგობრებმა და გულშემატკივრებმა იცოდეთ, რომ მეც თქვენსავით შემტკივა გული შევილმკვდარი მამების ტრაგედიაზე,

სოციალურ პრობლემებზე,

ეკოლოგიური კატასტროფის საშიშროებაზე,

ჩემთვის ძვირფასი საქველმოქმედო ფონდის დევნაზე,

პატრიარქის დისკრედიტირების გარედან მართულ თუ ეკლესიის ზოგიერთ მსახურთა ქმედებებით გამოწვეულ კამპანიაზე,

ე.წ. ქართული მარშით საზოგადოების ნაწილის აღტაცებაზე,

ჰომოფობიით და განსხვავებული შეხედულებების მქონე ადამიანების ერთმანეთისადმი არასოლიდარობით გამოწვეულ ზიზღსა და აგრესიაზე,

ძველი შეცდომების მაინც გამეორებაზე,

თბილისის ცენტრალური უბნების უკონტროლო გააღმოსავლურებაზე,

მეც თქვენსავით მაღელვებს პრეზიდენტობის კანდიდატი მანდილოსნის მიერ გამოთქმული პოზიციები 2008 წლის ომის თუ სხვა საკითხების მიმართ, ისევე როგორც პოზიციების უცაბედი შეცვლაც ძალზედ მაკვირვებს,

თქვენთან ერთად მიხარია ყველა დადებითი მოვლენა, ჩვენი ხელოვანების, სპორტსმენების, მეცნიერების, სტუდენტების წარმატება საერთაშორისო თუ შიდა სარბიელზე, მაღალ დონეზე გახსნილი ოლიმპიადა, მთავრობის მიერ განხორციელებული თუ ოპოზიციის მიერ ინსპირირებული დადებითი რეფორმები…

თქვენსავით ველოდები «ჩცდ»-ს თუ Homeland-ის ახალ სეზონებს და თქვენთან ერთად უსაზღვროდ მტკივა აფხაზეთი და სამაჩაბლო, თქვენთან ერთად ვლოცულობ ჩვენი ქვეყნისთვის, ჩვენი დაღუპული გმირების სულებისთვის,

თქვენსავით მინდა, რომ ხვალინდელი დღე იყოს უფრო ნათელი და იმედიანი.

მაპატიეთ, თუ ვერ ვახერხებ ვიყო დროული მოვლენათა გამოხმაურებაში, ჩემი პროფესიისადმი პასუხისმგებლობა და თავგანწირვა ასევე მნიშვნელოვანი მგონია ჩვენი ქვეყნის ხვალინდელი დღის გაუმჯობესების საქმეში, ამიტომ მომიტევეთ და ყოველთვის მიგულეთ გვერდით!
თქვენი რაჭველი

P.S. რომელიც მის დაუღალავ ორკესტრთან და შემოქმედებით გუნდთან ერთად კვლავ რჩება საკონცერტო დარბაზისა და ძალზედ საჭირო პირობების მოგვარების დაუსრულებელ მოლოდინში… თუმცა ჯერჯერობით არც მე მტოვებს უკეთესი მომავლის იმედი…
P.P.S. სულ მალე ჩვენ ქართული სიმფონიური მუსიკის პროგრამით ფრანქფურტის წიგნის ბაზრობის 2018 წლის სეზონს დავხურავთ და შევეცდებით კიდევ ერთხელ მოგცეთ ეროვნული სიმფონიური ორკესტრით სიამაყის განცდის შესაძლებლობა!

ნიკოლოზ რაჭველი

28.09.2018

ნანახია:(39)-ჯერ


Comments

comments



Related Articles

ქრისტე ამბობს „მე ვარ პური“, აი ამ პურს ვერ ვაძლევთ, პურზე ვქადაგებთ …

„ქრისტიანობა არის არა მორალი, არა ზნეობრივი ნორმების ქადაგება, არამედ სიცოცხლე, თვითონ მყოფობა! ქრისტე ამბობს: „მე ვარ გზა“ და არა გზის


„გურამ დოჩანაშვილი ასეთ სიდუხჭირეში უნდა ცხოვრობდეს???"

„ეს რა საშინელებაა?! სირცხვილი ჩვენ! ვიღაც წერა-კითხვის და ლაპარაკის უცოდინრებს 10-15 ათასი უნდა ჰქონდეთ ხელფასი და გურამ დოჩანაშვილი ასეთ სიდუხჭირეში


რატომ დაბლოკა ლალი მოროშკინამ FACEBOOK_ზე მამა ანთიმოზი?! «ღმერთმა შეუნდოს, უბრალოდ მეწყინა»…

«ნახალოვკა-ლოტკინი და ლალი მოროშკინა დღეს დილას გარეთ გავედი და რას ვხედავ?! ჩემ გარაჟზე ვიღაცას ლალი მოროშკინას სამი პლაკატი გაუკრავს. სხვის


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*