ყავარჯნიანი ბებო | Jolo.ge


ყავარჯნიანი ბებო

ყავარჯნიანი ბებო

ყავარჯენს დაყრდნობილი შემოიყვანეს გოგონებმა და მაგიდასთან დასვეს. ჯერ ამოიოხრა, მერე დარბაზს შეავლო თვალი და სახე გაუნათდა — ეს რა უცხო და სასიამოვნო გარემოაო.
მოგწონთ? — ვეკითხები ღიმილით.
ძალიან ბებო, ძალიან, — მიბრუნებს ღიმილს და მზერა ჭერზე გადააქვს, დიზაინს იწონებს — ეს რა უცნაურად და ლამაზად მოუფიქრებიათო.
ყავარჯნიან ბებოს სხვა ბებიები და ბაბუებიც მოჰყვნენ, ზოგი ერთმანეთს ეყრდნობა, ზოგი ხელკავით შემოჰყავთ, დამოუკიდებლად გადაადგილება თითქმის ყველას უჭირს.

აი, თურმე რატომ მისტუმრებენ უარით ხშირად მოხუცებულთა სახლებიდან, როცა სადილად ვეპატიჟებით, მე კი როგორ მწყინს ხოლმე, — ვტუქსავ საკუთარ თავს.

… შვიდი წელია შენობიდან არ გავსულვარ შვილო, — მარკვევს ფიქრებიდან ყავარჯნიანი ბებო. შვიდი წელია ოთახში ვარ გამოკეტილი, ასე მომისაჯა სიბერემ… ჯერ ფეხი მოვიტეხე, გაშოტილი ვიწექი დიდხანს, მერე ინფარქტი გადავიტანე. ეს ფეხიც არ მორჩა ბოლომდე, ხანდახან ისე მტკივა, ლამის სული ამომაძროს… რამდენიმე დღეში ოპერაციას მიკეთებენ, ჰოდა, გავიფიქრე, ვაითუ დავრჩე იმ საოპერაციოზე-მეთქი და ჩემს თავს შემოვუძახე — ადექი, გამოეწყვე და წადი, ეს მაინც დაგრჩება-თქო! გავრისკე და წამოვედი. ვდარდობდი, არ მინდოდა ამ ყავარჯნებით ტვირთად დავწოლოდი სხვებს, მაგრამ მაპატიებენ ალბათ… ბედნიერი ვარ და მაპატიებენ…
თვალები უცრემლიანდება და აკანკალებული ხელებით ჩემს ხელს ეფერება.
— ჯერ სად ხარ ბებო, ისეთი ლამაზი საღამო გველიიის — ვეუბნები ღიმილით და მეც ვეფერები…
არ იცის ბებომ, რომ ეს ღიმილი ცრემლებს მალავს ახლა. არც ის იცის აკანკალებული ხელების სითბო, რომ დიდხანს დამისერავს გულს…
-ახლა გაიღიმე ბებო, ოპერაციის შემდეგ კი, ისევ აქ ვიზეიმოთ შენი კარგად ყოფნა…
-შემოგევლოს ბებო, რა სიხარულით სავსე გოგო ხარო, მეუბნება და მიღიმის.
არ იცის ბებომ, რომ ეს სიხარულით სავსე გოგო, მოხუცებთან დამშვიდობების შემდეგ სახლამდე მანძილს ტირილით გაივლის.

დეა თავბერიძე

12 აპრილი, 2019 წელი

ჩაის სახლი

P.S 

ჩაის სახლი ქიაჩელზე ალთჰაუსი  მადლობა თქვენ იმ სითბოსთვის და ბედნიერებისთვის,

რომელსაც ამ სათნო მოხუცებს ჩუქნით 

და მადლობა, რომ მე ამირჩიეთ ამ სიკეთის გამზიარებლად         

მადლობა კეთილ მოხუცებს და ხანდაზმულთა პანსიონატის „ბასილიადას“ დამფუძნებელ რუსო ბერიძეს თბილი გამოხმაურებისთვის 

მადლიერი ვარ  

 

ნანახია:(38)-ჯერ


Comments

comments



Related Articles

ჰესების ნაცვლად მზის სოლარები, ქარის წისქვილები და უფასო ელექტროენერგია

„სვანეთში ჰესების მშენებლობა მოსახლეობას მოუტანს ძალიან მძიმე შედეგებს, დაიცლება საზღვრისპირა ზოლი, ჩვენ დავდგებით ეკოლოგიური და სოციალური კატასტროფის წინაშე, ეს შეხვედრა


მასწავლებლის თვალით დანახული ბავშვების აგრესიის ზოგიერთი მიზეზი

ფსიქოლოგების ნაწილი ფიქრობს, რომ როცა მოზრდილი ადამიანი უბრალო მიზეზის გამო ოჯახის წევრებს ეჩხუბება, ე.ი. მას სამსახურში საქმეები ცუდად მისდის, ხოლო


”სად ზიხარ შენ წაგეკიდა ცეცხლი” — ასე დახვდნენ რონალდუს თბილისელები (ვიდეო)

პორტუგალიის ეროვნული ნაკრები საქართველოშია. მსოფლიოს საუკეთესო ფეხბურთელი კრიშტიანუ რონალდუ თანაგუნდელებთან ერთად ევროპის 2016 წლის ჩემპიონატის შესარჩევი ეტაპის მატჩისთვის  თბილისში მოემზადება.


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*