«ვეფხისტყაოსანი» კორეულ ენაზე

by Nino | Май 7, 2016 21:33

კორეაში, ქალაქ სეულის იონსეის უნივერსიტეტის პროფესორის, ჩო ჯუ-კვანის მიერ კორეულ ენაზე ნათარგმნი შოთა რუსთაველის პოემა „ვეფხისტყაოსანი“ გამოიცა.
საქართველოს საგარეო საქმეთა სამინისტროს ინფორმაციით, ჩო ჯუ-კვანი ქართულ ნაწარმოებზე ათი წლის მანძილზე მუშაობდა.

აღსანიშნავია, რომ „ვეფხისტყაოსანი“ კორეულ ენაზე ნათარგმნი პირველი ქართული ლიტერატურული ნაწარმოებია. პროფესორი ჩო ჯუ-კვანი ახლო მომავალში „ვეფხისტყაოსანზე“ საკუთარი კვლევითი ნაშრომის გამოქვეყნებას გეგმავს.

ნაწარმოების თარგმნის პროცესში კორეელ პროფესორს კონსულტაციებსა და დახმარებას უწევდა აღმოსავლეთმცოდნე, პროფესორი გურამ ჩიქოვანი და სეულის ჰანკუკის უცხო ენათა უნივერსიტეტის ქართველი მაგისტრანტი, რუსუდან ფირცხალავა.
„ვეფხისტყაოსანი“ კორეულ ენაზე კორეის რესპუბლიკაში საქართველოს საელჩოს დახმარებით გამოიცა.

ნანახია:(108)-ჯერ


Comments

comments

Source URL: http://www.jolo.ge/vepxvistkaosani-koreul-enaze/