„უსაზღვროდ მიყვარს ჩემი დაფშტვენილი ქვეყანა“ — ნათია ფანჯიკიძე | Jolo.ge


„უსაზღვროდ მიყვარს ჩემი დაფშტვენილი ქვეყანა“ — ნათია ფანჯიკიძე

„უსაზღვროდ მიყვარს ჩემი დაფშტვენილი ქვეყანა“ — ნათია ფანჯიკიძე

„უსაზღვროდ მიყვარს ჩემი დაფშტვენილი ქვეყანა. ამ ქვეყანაში განვიცდი ყველაზე მეტ პირად გრძნობას, ამ ქვეყანაში ვიცინი და ვტირი, ამ ქვეყანაში ვბრაზობ და ვხარობ, ამ ქვეყანაში ვუყვარვარ და ვძულვარ…

ამ ქვეყანაში ვსუნთქავთ მე და ჩემი მეგობრები ერთნაირად მოწამლულ ჰაერს, ამ ქვეყანაში ცხოვრობს მსოფლიოში ყველაზე ისტერიული ხალხი, რომელსაც არ შეუძლია ზრდასრული აზრის ქონა და განცდის მონელება, ჩაღრმავება, ზედაპირზე ტეხენ ვაიუშველებელს და მიღმა რჩებათ მთავარი და ნამდვილი პრობლემები.

ისტერიულობაა ამ ქვეყნის მოსახლეობის ხსნაც, რომ არ გადაიწვან ადამიანები ამდენი ნამდვილი პრობლემისგან და ტრაგედიისგან, ვერ ჩავიდნენ აზრით და გრძნობით ტკივილის სიღრმეში და ჩაანაცვლონ ნამდვილი ტკივილი იმ უმნიშვნელო განცდებით, რომლის მონელების უნარიც აქვთ და ისტერიულობაა ამ ქვეყნის მოსახლეობის პრობლემაც, — სიღრმისეული განცდის გადამუშავების გარეშე სულიერ გარდატეხას რომ ვერ ახერხებს და ერთ ადგილს ტკეპნის დიდხანს.

მიყვარხარ ჩემო სამშობლო, ბავშვს გავხარ, სათამაშოს რომ მიაჩეჩებენ, უფროსები რომ არ შეაწუხოს და შენც გაწყობს, იყო ბავშვი. საყვარელი ხარ, ზედმეტად საყვარელი.

ძალიან მიყვარს სიყვარულის შეგრძნებით გაღვიძება. თინათინის უკბილო ღიმილით, დამაკავშირებელი რომ გახდა სამყაროსთან, თავიდან სიცოცხლეში ჩაბმასთან. პირველი მისი ღიმილია. ასე თენდება“ …

ნათია ფანჯიკიძე

ნანახია:(44)-ჯერ


Comments

comments



Related Articles

„გიყვერდეს ყველა და ყველაფერი, გახსოვდეს სიკვდილი“

ადამიანმა დედამიწა თავისი ინტერესისთვის და კეთილდღეობისთვის გამოიყენა. ის ვერ ხვდება, რომ ეს დროებითია. დედამიწა იხუტებს მის სხეულს და ჭამს. გიყვერდეს


ზურაააა… ზურიკოოოო…ზურიკელაააა …

(ვუძღვნი ზურა ყაზაიშვილის ნათელ ხსოვნას)   შარას მიწისკენ დახრილი, გამხდარი მოხუცი მოუყვება შავი სამოსით, ერთი ხელი წელზე აქვს  მიდებული, მეორე


აღდგომა მსოფლიოს სხვადასხვა ქვეყნებში

აშშ შეერთებულ შტატებში აღდგომის დღესასწაულის აღნიშვნის რაიმე ერთი კონკრეტული ტრადიცია არ არსებობს. ამერიკელი ქრისტიანებისთვის აღდგომა ძირითადად ლოცვისა და ოჯახური შეკრებების


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*