«სწორედ ეს ჩარევები იწვევს უფრო მწვავე და ფატალურ პრობლემებს»… | Jolo.ge


«სწორედ ეს ჩარევები იწვევს უფრო მწვავე და ფატალურ პრობლემებს»…

«სწორედ ეს ჩარევები იწვევს უფრო მწვავე და ფატალურ პრობლემებს»…

საშინელებაა, როდესაც ცოლ-ქმრის ან შეყვარებულების ურთიერთობაში გარეშე პირები ერევიან (ამ შემთხვევაში ორი ადამიანის გარდა ყველა გარეშე პირია) , მსჯელობენ მათ პირადულ პრობლემებზე, რჩევებს იძლევიან — ის ასე უნდა ქნათ, ეს ასე და ა.შ.

სწორედ ეს ჩარევები იწვევს უფრო მწვავე და ფატალურ პრობლემებს, თუმცა ამაზე ბევრად დიდი საშინელებაა, როდესაც თვითონ ცოლი ან ქმარი ან ერთ-ერთი შეყვარებული ასაჯაროვებს, ა-სხვათა-შორისებს პირად პრობლემებს, მით უფრო, როდესაც ეს მის მეორე ნახევარს ეხება…

საშინელებაა, როდესაც ადამიანები, რომლებიც ერთარსებად უნდა მოიაზრებოდნენ, თავიანთი მეორე ნახევრისა თუ ერთი მთელის შეცდომების შესახებ სხვებს უყვებიან, მით უფრო, როდესაც ეს — სხვები — მართლა — სხვები — არიან.

ვფიქრობ, სადაც სიყვარულია, ორი ადამიანი თავად გაუმკლავდება ისეთ პრობლემებს, რომლებსაც შეიძლება მთელმა კაცობრიობამ ძვრა ვერ უყოს!

და მაინც თუ ვერ გაუმკლავდებიან, ერთმანეთს კი არ გადააბრალებენ და ყველას კი არ უამბობენ, რა დააშავა და რა შესცოდა მისმა საყვარელმა, სხვების გასარჩევ-განსაკითხად კი არ აქცევენ, არამედ თავიანთ თავზე აიღებენ მისი ცოდვებს და დაფარავენ მის შეცდომებს.

სადაც სრულყოფილი სიყვარულია, იქ ასე ხდება.

სიყვარული ასეთია, სხვა გზას არ გიტოვებს, ვერ ისაუბრებ შენს შეყვარებულზე ცუდად, როგორ ცუდადაც არ უნდა მოგექცეს, მით უმეტეს საჯაროდ, სხვებთან.

ასეთ რამეს რომ წავაწყდები ხოლმე, როგორი დამნაშავეც არ უნდა იყოს ის — ერთი — და როგორი მართალი ის — მეორე — მაინც მეპარება მის მართალ სიყვარულში ეჭვი, როდესაც თავისი საყვარელი ადამიანის ცოდვებსა და შეცდომებს სხვების საჯიჯგნად და გასარჩევად მიაგდებს.

თორნიკე ნაროზაული

ნანახია:(665)-ჯერ


Comments

comments



Related Articles

ნება მიეცით მამაკაცს იყოს ბედნიერი თქვენს გვერდით…

ქალბატონებისთვის მამაკაცები ძირითად შემთხვევაში ამოუცნობი არიან, რადგან თავად ერთს ფიქრობენ, მამაკაცები კი მეორეს, მათი შეხედულებები მნიშვნელოვან საკითხებზე ხშირად არ ემთხვევა


„ასეთი ქალებისთვის კაცების უმრავლესობა დაუფიქრებლად გაწირავს თავს“

ერთგულ და მოსიყვარულე ქალზე საიმედო არაფერია დედამიწაზე. ძლიერია ის კაცი, რომელსაც ასეთი ქალი ყავს გვერდში, ქალი, რომელიც ყველაფრის მიუხედავად გაგამხნევებს,


ქალი – მარტო, საკუთარ თავთან

ქალი – მარტო, საკუთარ თავთან საკუთარ ცხოვრებაში მამაკაცის დროებით არ არსებობას ბევრი ქალი კატასტროფად აღიქვამს. ამ დროს მსგავსი აზრები უკიდურესად


No comments

Write a comment
No Comments Yet! You can be first to comment this post!

Write a Comment

<