„შენი ქვეყანა შენ ხარ, იქ სადაც წახვალ!“ — ნესი რობაქიძე | Jolo.ge


„შენი ქვეყანა შენ ხარ, იქ სადაც წახვალ!“ — ნესი რობაქიძე

„შენი ქვეყანა შენ ხარ, იქ სადაც წახვალ!“ — ნესი რობაქიძე

„ბერძნები გვეფერებოდნენ, გულში გვიკრავდნენ და მადლობას გვეუბნებოდნენ, ამაყი ვარ იმით, რომ გუშინდელი ჩვენი ჩართულობით საქართველოს სახე დაინახეს ბერძნებმა!“ — წერს ნესი რობაქიძე, «საბერძნეთის ქართულ-ბერძნული ახალგაზრდული გაერთიანების» დამფუძნებელი.

ამ სიტყვებს რამდენიმე დღის წინ მის მიერვე გამოქვეყნებული შემდეგი პოსტი უძღოდა წინ

„ათენის ქართულ-ბერძნული გაერთიანების ახალგაზრდები სულიერად შეძრულები ვართ საბერძნეთში მომხდარი ეროვნული ტრაგედიის გამო! ამისათვის ღრმა თანაგრძნობას ვუცხადებთ ჩვენს მეგობარ ბერძენ ხალხს! ჩვენი ჯგუფის სახელით უკვე მივმართეთ რამდენიმე ბერძნულ არასამთავრობო და სამთავრობო ორგანიზაციას. მზად ვართ ვიყოთ მოხალისეები და რომელ ფრონტზეც იქნება საჭირო, გვინდა მონაწილეობა მივიღოთ სამაშველო და დასუფთავება-აღდგენით სამუშაოებში.“

უკვე ორი დღეა საბერძნეთში მცხოვრები ქართველი მოხალისეები ბერძნებთან ერთად ინაწილებენ ამ დიდ ტკივილს. მუშაობენ ფიზიკურად, ბევრმა მათგანმა სისხლიც გაიღო…

თუმცა, მაინც გამოჩნდა სოციალურ ქსელში ადამიანი, რომელიც როგორც ჩანს ამ ყოველივეს შესახებ ინფორმაციას არ ფლობს და არაზუსტ ვიდეო-პოსტს ავრცელებს.

რასაც გულისტკივილით გამოეხმაურა «საბერძნეთის ქართულ-ბერძნული ახალგაზრდული გაერთიანების» დამფუძნებელი ნესი რობაქიძე.

ნესი რობაქიძე: ნებისმიერი ინფორმაცია ჯერ გადაამოწმეთ და მერე დადეთ!
რომ გამოდიხართ და «ხმამაღალი» სიტყვით ამბობთ საქართველოს არაფერი გაუკეთებიაო!
საქართველო გვერდით უდგას საბერძნეთს ყველანაირად, სოლოდარობას უცხადებს და ღრმა მწუხარებას გამოთქვამს მომხდარის გამო!
ქართველი ემიგრანტები მაქსიმალურად ჩართულები ვართ და ვმუშაობთ მოხალისეებად!
უკვე ორი დღეა «საბერძნეთის ქართულ-ბერძნული ახალგაზრდული გაერთიანების» ჯგუფი ბერძენი ხალხის სამსახურშია!
ვიცი კიდევ რამდენიმე ქართველი მატის რაიონში მუშაობს მოხალისედ.
სადაც წახვალ შენი ქვეყანა მხრებით უნდა ატარო!
ძვირფასო Lia კარგად გადახედე პოსტს!
სხვა ინფორმაციაც წაიკითხე ამავე გვერდზე Embassy of Georgia to the Hellenic Republic ! სახანძრო და სამაშველო სამსახუმაც გამოთქვა დახმარება!
ცოტა განათლდი და მერე გამოდი ვიდეო პოსტებით!
სირცხვილია ის, რომ ამბობ შენი ქვეყანა არაფერს აკეთებს, რომ გრცხვენია შენი ქვეყნის.
მე კი არ მრცხვენია, ამაყი ვარ!
ამაყი ვარ იმით, რომ გუშინდელი ჩვენი ჩართულობით საქართველოს სახე დაინახეს ბერძნებმა!
მოხალისეებად ვიყავით და ბერძნები გვეფერებოდნენ, გულში გვიკრავდნენ და მადლობას გვეუბნებოდნენ.
პ.ს. მათ ყველაზე მეტად ახლა ფიზიკური დახმარება სჭირდებათ.
არანაირი საკვები არ არის საჭირო, ყველაფერი ბევრია, უბრალოდ ფიზიკურად «მარჯვე» ხელებია აუცილებელი.
ჰო და ვისაც გაქვთ სურვილი დაეხმაროთ, ჩაეწერეთ მოხალისეთა ჯგუფებში, წადით და დაუდეგით გვერდით იმ ქვეყნის ხალხს სადაც ვცხოვრობთ, არა თუ კლავიატურით და სოციალურ ქსელებში მწუხარებითა და მოთქმა-გოდებით.
მადლობა ყველა იმ ადამიანს, ვინც 2 დღის მანძილზე მუხლჩაუხრელად მუშაობდა!
ჩვენი ჩართულობა გრძელდება!
შენი ქვეყანა შენ ხარ, იქ სადაც წახვალ!

ნანახია:(467)-ჯერ


Comments

comments



Related Articles

პრეზიდენტმა ვაჟს თეიმურაზი დაარქვა

საქართველოს პრეზიდენტსა და მაკა ჩიჩუას ვაჟი შეეძინათ. ახალშობილი გიორგი მარგველაშვილისა და მისი მეუღლის პირველი საერთო შვილია.    პატარა 3.600 კგ და


სწავლების ძალადობრივი ფორმა სკოლებში და თავისუფალი სკოლები საქართველოში

„ბავშვთან დამოკიდებულების ზოგადი პრინციპი, რომელსაც ტრადიციული საგანმანათლებლო დაწესებულებები ეყრდნობა, არ ითვალისწინებს სიყვარულსა და თავისუფლებას“ — წერს მწერალი და პუბლიცისტი ლევან რამიშვილი,


ვინ არის ბიჭი, რომლის თაოსნობითაც საქართველოსთვის 45 000 დოლარი შეგროვდა

ამერიკაში მცხოვრებ ახალგაზრდა ბიჭს, გიორგი ნიკოლაიშვილს დღეს უამრავი ადამიანი ემადლიერება. გიორგი ამერიკაში 23 წლის ჩავიდა და 5 წელია რაც ნიუ-იორკში


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*