„შენი ცხოვრება, ნახატია, რომელსაც მხოლოდ შენ ხატავ!“ | Jolo.ge


„შენი ცხოვრება, ნახატია, რომელსაც მხოლოდ შენ ხატავ!“

„შენი ცხოვრება, ნახატია, რომელსაც მხოლოდ შენ ხატავ!“

შვილიშვილი აკვირდება ბაბუას, რომელიც წერილს წერს, და ეკითხება:

— რას წერ ბაბუ, რაც ჩვენ გადაგვხდა თავს?


ბაბუამ შეწყვიტა წერა და ღიმილით უპასუხა შვილიშვილს:


— შენ გამოიცანი, მე შენს შესახებ ვწერ. მაგრამ ახლა, მთავარი ის კი არ არის, რას ვწერ, არამედ ის, თუ რითი ვწერ. ჩემი დიდი სურვილია, როდესაც გაიზრდები, გახდე ისეთი, როგორიც ეს ფანქარია…


ბავშვმა ცნობისმოყვარე თვალებით შეათვალიერა ფანქარი, მაგრამ განსაკუთრებული ვერაფერი შეამჩნია.


— ეს ზუსტად ისეთი ფანქარია, როგორებიც მე ბევრეჯერ მინახავს, წამოიძახა გაუგებრობაში მყოფმა შვილიშვილმა!


— ყველაფერი დამოკიდებულია იმაზე, თუ როგორ შევხედავთ ჩვენ საგნებს, ფაქტებსა და მოვლენებს. ამ ფანქარს გააჩნია ხუთი თვისება, რომლებიც აუცილებელია შენთვის, რა თქმა უნდა, თუ გინდა, იცხოვრო ამ სამყაროსთან თანხმობაში.


— რა თვისებები? — ცნობისმოყვარედ ჰკითხა შვილიშვილმა ბაბუას.


პირველი: შენ შეიძლება იყო გენიოსი, მაგრამ არასოდეს უნდა დაივიწყო, მმართველი ხელის არსებობის შესახებ. ამ მმართველ ხელს ჩვენ ღმერთს ვეძახით. მუდმივად ამოწმე შენში მისი ნება.


მეორე: იმისათვის, რომ ვწერო, მე მიწევს ფანქრის გათლა. ეს ფანქრისთვის საკმაოდ მტკივნეული პროცესია, მაგრამ სამაგიეროდ შემდეგ ის ბევრად გამოკვეთილად და ლამაზად წერს. ასე რომ უნდა შეგეძლოს იმ ტკივილის ჯერ მიღება და შემდეგ ატანა, რომელიც შენს პიროვნებად ჩამოყალიბებასა და ზრდას უწყობს ხელს.


მესამე: ფანქრით სარგებლობისას, ყოველთვის შეგიძლია წაშალო საშლელით ის, რასაც შეცდომად ჩათვლი. გახსოვდეს, რომ – მხოლოდ შეცდომების დაშვებით, მათი გამომჟღავნებით, ანალიზით, შემდეგ საშლელით წაშლითა და გამოსწორებით, შეძლებ ძლიერ პიროვნებად ჩამოყალიბებას. ხშირად ეს ერთადერთი გზაა სწორ გზაზე თავის შესანარჩუნებლად.


მეოთხე: ფანქარში მთავარი მნიშვნელობა არა ხეს, რომლისაგანაც იგი არის დამზადებული, არა ფორმას, როგორც ის გამოიყურება, არამედ მის გულს ენიჭება, რომელიც მის შიგნით იმყოფება. ამიტომ მუდამ იფიქრე იმაზე, თუ რა ხდება შენს შიგნით. გახსოვდეს, რომ ადამიანი ღმერთის ხატებაა, ღმერთი კი შენს შიგნით არის და შენი ცხოვრებისეული დანიშნულებაა, აღმოაჩინო შენში – ის.


და ბოლოს, მეხუთე: ფანქარი, ყოველთვის ტოვებს კვალს. ასევე, ხარ შენც, თითოეული შენი ქმედების შემდეგ ტოვებ გარკვეულ კვალს, რომელიც შემდგომ შედეგად გარდაისახება, ასე რომ ყოველთვის წინასწარ გაიაზრე და ისე გადადგი ნაბიჯი.


გახსოვდეს, რომ თითოეულ შენს ნაბიჯს, კარგი იქნება ის თუ ცუდი, შესაბამისი შედეგი მოყვება. ასე რომ ეცადე ყოველთვის წინასწარ გათვლილი და გაწონასწორებული ნაბიჯი გადადგა.


P.S. შენი ცხოვრება, ნახატია, რომელსაც მხოლოდ შენ ხატავ!

 

წყარო: INTELEQTIKA

ნანახია:(422)-ჯერ


Comments

comments


Related Articles

სინამდვილეში არაფერია — „შეუძლებელი“ !

„შეუძლებელია“ — ეს უბრალოდ გრძელი სიტყვაა, რომელიც პატარა კაცუნებმა მოიფიქრეს გულის დასამშვიდებლად, იცხოვრონ იმ ცხოვრებით რომელიც ფეხქვეშ მიუგდეს და აღარ


10 გზა თვითშეფასების ასამაღლებლად

თავდაჯერებულობა – ესაა სხვაობა მოსაზრებების გამოთქმისაგან თავშეუკავებლობასა და არსებულ კომპლექსებს შორის. საკუთარი თავისადმი დამოკიდებულება სხვების მიერ თქვენი შეფასების უმთავრესი ინდიკატორია.


„ამიტომ არ არის საჭირო ფიქრი იმაზე თუ რა მოხდება… არამედ“…

„ყველაფერი იცვლება. იცვლება სივრცე. იცვლება დედამიწა. იცვლება დრო. იცვლებით თქვენ… მომავლის რამოდენიმე ვარიანტი არსებობს. და თქვენ გაინტერესებთ რა იქნება და


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*