რომელი ზოდიაქოს ნიშნები ემტერებიან ერთმანეთს?! | Jolo.ge


რომელი ზოდიაქოს ნიშნები ემტერებიან ერთმანეთს?!

რომელი ზოდიაქოს ნიშნები ემტერებიან ერთმანეთს?!

თუ თქვენ ვერძი ხართ, აუცილებლად «შეასკდებით» რქებით ერთხელ მაინც თქვენსავით რქოსან და ჯიუტ ნიშანს — თხის რქას. აჯობებს მასთან დიპლომატიას მიმართოთ იმიტომ რომ, სხვაგვარად ვერაფერში გადაარწმუნებთ.

თუკი კურო ხართ, დაპირისპირება ოდესმე მოგიწევთ ლომთან, მისი მფლანგველობისა და ზედმეტი ხელგაშლილობის გამო. თქვენთვის გაუგებარი იქნება რატომ უნდა ანიავოს ადამიანმა ფინანსები აბსოლუტურად უსარგებლო და ე.წ. «ფუფუნების» ნივთებში.

თუკი ტყუპია თქვენი ზოდიაქო, სიტყვიერად მაინც დაუპირისპირდებით ოდესმე მორიელს, რომელიც თქვენსავით სიტყვის დიდოსტატია — ოღონდ გესლიან ტონალობაში გაჯობებთ. ამიტომ აჯობებს მასთან მოკლედ და ლაკონურად ისაუბროთ. კამათში თუ აყვებით ის აუცილებლად დაგღლით და შეეცდება თქვენი ემოციებით მანიპულირებას.

კირჩხიბი თუა თქვენი ზოდიაქო შესაძლოა, ლამის საშვილიშვილო მტრობა გააჩაღოთ ვერძთან, მისი ხისტი და უტაქტო გამოხდომების გამო. ვერძი ვერ იტანს თქვენ მელანქოლიურ ბუნებას და მიდრეკილებას იწუწუნოთ ხოლმე. თქვენ კი თქვენი მხრივ დიდხანს ვერ მოინელებთ მისგან ნათქვამ უხეშ რეპლიკებს.

ლომის ზოდიაქოზე თუ დაიბადეთ, ალბათ ერთხელ მაინც დაუპირისპირდებით ცხოვრებაში მორიელს, რომელიც თქვენსავით ამბიციური და ძალაუფლებისმოყვარე ნიშანია. თუმცა, სტრატეგია და გზები თავად ამ ძალაუფლების მოპოვებისა თქვენ ორ შორის მკვეთრად განსხვავდება. აჯობებს ღიად არასოდეს გააჩაღოთ ომი მასთან. ტაქტიკური სვლებით აჯობებთ მხოლოდ.

ქალწულის ნიშანზე თუ გაჩნდით, აუცილებლად გაგაღიზიანებთ თევზების უთავბოლობა და მოუწესრიგებელი ცხოვრების წესი. ხშირად მოგინდებათ, რომ აიძულოთ ეს ხალხი მეტი პასუხისმგებლობით მოეკიდონ საქმეს.

სასწორი თუა თქვენი ზოდიაქო, ალბათ გარკვეული დაძაბულობა შეგექმნებათ თხის რქასთან, რომელიც თქვენგან განსხვავებით ცივი გონების, რაფინირებული და საკმაოდ უემოციო ნიშანია, როცა საქმე გადაწყვეტილების სწრაფად მიღებას ეხება. ისწავლეთ მისგან ხასიათის სიმტკიცე და სწრაფი ადაპტირება. ეს მხოლოდ წაგადგებათ.

მორიელი თუ ხართ, ყველაზე მწვავე დაპირისპირება ალბათ მერწყულის ნიშნით დაბადებულთან გექნებათ, იმიტომ რომ თქვენი მაქსიმალისტური ბუნება ვერ აიტანს ამ ადამიანების მსუბუქ და გაურკვეველ დამოკიდებულებას საქმისა და ცხოვრების მიმართ. გაგიჭირდებათ ასევე მერწყულის ბრძოლაში გამოწვევა, ის უბრალოდ არ აგყვებათ აგრესიაში, რითაც უდავოდ მოგიგებთ.

მშვილდოსანის ნიშნით თუ დაიბადეთ, ალბათ საშინლად გაგაღიზიანებთ ქალწულის ზოდიაქოს ნიშნის ადამიანების ჭკუის სწავლება და დამრიგებლური ტონი. თქვენთვის გაუგებარი იქნება მათი მერკანტილური ხასიათი და მოთხოვნილება ყოველთვის ყველაფერი გეგმის მიხედვით აკეთონ.

ხოლო თხის რქა თუ ხართ, აუცილებლად დაუპირისპირდებით ჯიუტ და «ხისთავიან» ვერძს, რომელიც გამუდმებით ცდილობს თქვენთვის საკუთარი უპირატესობის დამტკიცებას. აჯობებს მასთან კოლეგიალური დამოკიდებულება იქონიოთ, ამგვარი სვლით ორივე მოგებული დარჩებით.

მერწყული თუ ხართ, შესაძლოა გაგიჭირდეთ ლომისთვის დამახასიათებელი ამბიციებისა და გარშემო მყოფებზე «ზემოდან ცქერის» ჩვევის ატანა. თქვენთვის რთული გასაგები იქნება რატომ მოსწონს ლომს საკუთარი პერსონის ხასგასმა დიქტატურის ხარჯზე, როცა მეგობრული დამოკიდებულებით უფრო მარტივია ხალხის მართვა.

თევზები თუ ხართ, აუცილებლად დაგთრგუნავთ დაუკვირვებელი და უტაქტო მშვილდოსანი. მისმა შენიშვნებმა (რომელსაც სხვათა შორის იგი ობიექტურს უწოდებს) შესაძლოა, თქვენს სათუთ ფსიქიკას დიდი ტრავმა მიაყენოს.

 

წყარო: IDNews.ge

ნანახია:(5690)-ჯერ


Comments

comments


Tags assigned to this article:
ზოდიაქო

Related Articles

ადამიანის აურა, ჩაკრა და სამყაროსგან ენერგიების მიღება…სასრგებლო ინფორმაცია რამაზ გიგაურისგან!

ადამიანის ორგანიზმი, როგორც კოსმოსის შემადგენელი ნაწილი, მუდმივ კავშირშია გარემომცველ სამყაროსთან. მასზე გამუდმებულად მოქმედებს მძლავრი ენერგიული ნაკადები. ამასთან ერთად, ნებისმიერი ფიზიკური


რომელი ხე ხართ ზოდიაქოს ნიშნის მიხედვით?!

მრავალწლიანი დაკვირვებების თანახმად, ძველი გალები ირწმუნებოდნენ, რომ ყოველ ადამიანს გააჩნია თავისი წარმომადგენელი რომელიმე ხის სახით, რომელთანაც მრავალმხრივი მსგავსება აკავშირებს. ხეები ადამიანების


2016 წლის დეკემბრის რომანტიკული ურთიერთობების ჰოროსკოპი — ზოდიაქოს ყველა ნიშნისთვის

ვერძი ვერძები დეკემბერში, როგორც იქნა, შეძლებენ გაერკვიონ საკუთარ გრძნობებსა და სურვილებში, ჩამოყალიბდნენ მომავლის გეგმებთან დაკავშირებით და განიხილონ ისინი საყვარელ ადამიანთან.


No comments

Write a comment
No Comments Yet! You can be first to comment this post!

Write a Comment

<