„რომ არ დავივიწყოთ რანი ვართ“ — ქართული გარემო ბრიუსელში | Jolo.ge


„რომ არ დავივიწყოთ რანი ვართ“ — ქართული გარემო ბრიუსელში

„რომ არ დავივიწყოთ რანი ვართ“ — ქართული გარემო ბრიუსელში

ემიგრანტ პოეტ ქალბატონს, სოფო ფოცხვერაშვილს „ჟოლოს“ მკითხველი უკვე კარგად იცნობს; ინტერნეტ-ჟურნალში გამოქვეყნებული მასალებიდან გამომდინარე, ისიც კარგად არის ცნობილი, რომ შვეიცარიაში მცხოვრები ქართველი ემიგრანტი, სხვადასხვა ქვეყანაში მყოფ პატარებს თავისივე წიგნებით ასაჩუქრებს. ამჯერად შეხვედრა ბელგიაში მცხოვრებ ქართველებთან გაიმართება.  „ჟოლო“,  ამ შეხვედრის ორგანიზატორს, ხატია ოზაშვილს ბრიუსელში დაუკავშირდა.

ხატია ოზაშვილი: ბავშვობიდან ემიგრაციაში ვარ და სულ მაკლდა ქართული გარემო, მითუმეტეს პოეზია და საზოგადოება… ვთვლი, რომ საინტერესო, სახალისო და სასარგებლო იქნება ბელგიაში მცხოვრები ქართველი ბაშვებისთვის ეს ღონისძიება. მინდა ეზიარონ ქართულ პოეზიას და ბევრად უფრო გაღვივდეს მათში ყველაფერი ის რაც ქართულია… რომ არ დავივიწყოთ „რანი ვართ“ .

ეს ბავშვები ხომ ჩვენი საქართველოს მომავალია…

ღრმად გვჯერა ემიგრანტებს რომ ჩვენს სამშობლოს რაღაცაში მაინც ვადგებით შორიდან…

ამის ერთ-ერთი მაგალითი ქალბატონი სოფოც გახლავთ. ძალიან თბილი და პატრიოტი ქართველი ემიგრანტი ქალბატონი, რომელმაც თავისი სითბო და სიყვარული რამდენიმე ქვეყანაში მცხოვრებ პატარებს უკვე გაუზიარა და ახლა აქაც ველით, როგორც პატარები ასევე დიდებიც.  რადგან საბავშვო ლექსებთან ერთად ამ პოეზიის საღამოზე იქნება ის ლექსებიც, რომლითაც ქალბატონი სოფო თავისივე ცხოვრებისეულ გამოცდილებას გაგვიზიარებს.

შეხვედრა და პოეზიის საღამო გაიმართება ბრიუსელში, კვირას, 10 დეკემბერს. 14:00 საათზე, ქართული ეკლესიის შენობაში, Rue Gendebien 9, 1020 Bruxelles  

წარმოდგენილი იქნება:

1. სოფო ფოცხვერაშვილის საბავშვო ლექსების კრებულის „დედამიწა რაზე დგას» პრეზენტაცია. ამ წიგნიდან ლექსებს წაიკითხავენ ბელგიაში მცხოვრები პატარა ქართველები.

2. აგრეთვე შედგება ამ ლექსებზე დაწერილი სიმღერისა და კლიპის ჩვენება. შემდეგ კი ავტორი  პატარებს საჩუქრად წიგნებს გადასცემს.

3. ანტვერპენის წმინდა ნინოს სახ. ეკლესიასთან არსებული მხატვრული კითხვის წრე, მანანა ხორბალაძის ხელმძღვანელობით წარმოგიდგენთ ეპიზოდებს «კაცია ადამიანიდან».

მოგვიანებით კი ჩატარდება პოეზიის საღამო დიდებისთვის.

ნანახია:(95)-ჯერ


Comments

comments



Related Articles

«10 ღირსშესანიშნაობა, რაც საქართველოში აუცილებლად უნდა ნახო»

10 ღირსშესანიშნაობა, რაც საქართველოში აუცილებლად უნდა ნახო: 1. მესტია-უშგული და მთელი ზემო სვანეთი 2. დართლო-ფარსმა-შენაქო და მთელი თუშეთი 3. ვარძია


ტრადიციული ქართული ქორწილის 21 უნიკალური ნიშან-თვისება

პოპულარული ბლოგერის გურამ შეროზიას „ტრადიციულმა ქართულმა ქორწილმა“ ფეისბუქელთა კამათი გამოიწვია. ბევრმა მოიწონა, ზოგი გაანაწყენა, ზოგიც გააბრაზა — „არა ბიჭო ისაა კაი გამხმარი


„ძმებო ნუ ითაკილეთ ამას , სირცხვილი ისაა თქვენს არ ყოფნაში მოხუცებულს თავში რომ“ …

გულთან მისატანი თხოვნით შემოვდივარ, ჩემო ძმებო და დაიკოებო, ვისაც საავადმყოფოში გიწევთ მშობელი, ბებია ან ბაბუა ან სულაც დიდი ბაბუა თუ


No comments

Write a comment
No Comments Yet! You can be first to comment this post!

Write a Comment

<