როგორ ამოვიცნოთ განსაკუთრებული ნიჭით დაჯილდოვებული ბავშვი?

by Ann | Ноябрь 9, 2016 11:58

როგორც წესი, ყველა მშობელს აინტერესებს როგორი გონებრივი შესაძლებლობები აქვს მის შვილს, ხომ არ არის ის დაჯილდოვებული რაიმე განსაკუთრებული ნიჭით, თუმცა ადრეულ ასაკში ამის მიხვედრა უჭირთ. გარდა ამისა, ხშირად მათ თავად არ სჯერათ საკუთარი შვილის განსაკუთრებულობის.

 

არის თქვენი შვილი ძალიან ინტერესიანი სხვადასხვა გარემოებების მიმართ? მაშინ შესაძლოა თქვენ განსაკუთრებული ნიჭით დაჯილდოვებულ ბავშვთან გქონდეთ საქმე. თუ ბავშვი განსაკუთრებული ინტერესით ეკიდება ისეთ საკითხებს, რომლებზეც ბევრი ყურადღებასაც არ ამახვილებს ის ნამდვილად გამორჩეულია. ასეთი ბავშვები ხშირად სვამენ უცნაურ და საკმაოდ რთულ შეკითხვებს. თუ ბავშვს რაღაც სიახლის აღმოჩენა განსაკუთრებულ სიამოვნებას ანიჭებს და შემდეგ გამუდმებით ამაზე საუბრობს ის უდავოდ გამორჩეულია. ასეთმა ბავშვებმა კარგად იციან, როგორ შეაფასონ ფაქტები და იპოვნონ გამოსავალი სხვადასხვა სიტუაციებიდან.

 

გამორჩეული ბავშვები თავიანთი სოციალური წრისგანაც განსხვავდებიან, მათ გაცილებით უფრო დიდი ინტერესები აქვთ ვიდრე მათ თანატოლებს. გარდა ამისა, არიან მგრძნობიარენი, როგორც ემოციურად, ასევე ფიზიკურად. მათთვის სამართლიანობა ყველაზე მთავარია.

 

დამოკიდებულება ენის მიმართ — განსაკუთრებული ნიჭით დაჯილდოვებული ბავშვები ადრეულ ასაკში იწყებენ კითხვას, იმ შემთხვევაში კი, თუ სტანდარტულ ასაკში დაიწყებენ კითხულობენ გაცილებით უფრო სწრაფად და იაზრებენ უკეთ, ვიდრე მათი თანატოლები, აქვთ მაღალი დონის ლექსიკა.

 

გარდა ზემოთ ჩამოთვლილებისა ასეთი ბავშვები განსაკუთრებულ ინტერესს ამჟღავნებენ კითხვის, ინტელექტუალური თამაშების, სიახლეების აღმოჩენის მიმართ.

 

დააკვირდით ამ ნიშნებს და თუ თქვენ მათ თქვენს შვილში აღმოაჩენთ აუცილებლად შეუწყვეთ ხელი, რათა მასში განსაკუთრებული ნიჭი კი არ მოკლათ, არამედ მისცეთ განვითარების საშუალება.

ნანახია:(829)-ჯერ


Comments

comments

Source URL: http://www.jolo.ge/rogor-amovicnot-gansakutrebuli/