რა გვჭირს, რა დაგვემართა?! | Jolo.ge


რა გვჭირს, რა დაგვემართა?!

რა გვჭირს, რა დაგვემართა?!

გავიზარდე ასკანაში, გურიის ერთ ლამაზ სოფელში, თითქოს ჩვეულებრივ ოჯახში.. ბებიას, ბაბუას, დიდი ბებია მარგალიტას, მეორე დიდი ბებია ნინუცის, დედას, მამას, ბიძების, მამიდების, ბიცოლების, ნათესავების, მეზობლების, მოყვრების და მოკეთეების გარემოცვაში. 
არ მახსოვს და რაც მახსოვს ნამდვილად სწორად მახსოვს, ვინმეზე ცუდის, საძრახის თქმას როცა დააპირებდნენ აუცილებლად დაბალ ხმაზე ამბობდნენ თუ ამბობდნენ, სირცხვილი იყო სხვაფერ.
არ მახსოვს ბებიას ვინმეზე ოდესმე ეთქვას სალანძღავი სიტყვა, ბაბუას ხომ ჯვარი სწერია, ვერ წამოაცდევინებდი ვერავისზე აუგს. ისიც ზუსტად ვიცი, რომ ხშირად იყო ვინმეს საქციელით ნაწყენი და გულმოკლულიც კი, მაგრამ სალანძღავ სიტყვას არაფრით არ იტყოდა, არ იკადრებდა.
სირცხვილად ითვლებოდა, დიდ სირცხვილად მეორე ადამიანზე სხვებთან ცუდის ლაპარაკი. თუ ვინმეს შეეშლებოდა და სალანძღავ სიტყვას გაბედავდა შეაჩერებდნენ და ეტყოდნენ «მე რეიზა მიყობი მაგას ძამა, წაი და მას უთხარი თვითან..» სხვაზე ცუდი აზრის მოსმენაც სირცხვილი იყო.
ის ხომ არავის წარმოედგინა, საქვეყნოდ, საჯაროდ, თავშეყრილებს ელანძღა ვინმეს, ვინმე, თუ მაინცდამაინც ძალიან დაბალ ხმაზე, მორიდებით ერთიმეორესთან საუბრისას იტყოდნენ ამდაგვარს, ძალიან დარცხვენით. ეს არაფრით იმას არ ნიშნავდა, რომ ყველა, ყველას საქციელით კმაყოფილი იყო, სრულებითაც არა, უბრალოდ მიღებული იყო ასე.
მაჩხუბარიც ხშირად მინახავს ადამიანები, აი იქ კი ეტყოდნენ ერთმანეთს საკადრებელსაც და ზოგჯერ უკადრებელსაც კი.

რა გვჭირს, რა დაგვემართა?
რატომ დავკარგეთ ის რისი დაკარგვაც არაფრით არ შეიძლებოდა?
უყურებ ამდენ საქვეყნოდ, სააშკარაოდ, გამეტებით ერთმანეთის მლანძღავ ადამიანს, და მიკვირს, ძალიან მიკვირს!!!

Gardenia shevardnadze

ნანახია:(48)-ჯერ


Comments

comments



Related Articles

ნარკოტიკები და კახა ცისკარიძის აღელვება „სხვა რაკურსში“

გია ჯაჯანიძის შოუში სტუმრად მყოფი ცნობილი მუსიკოსი, კახა ცისკარიძე კლუბში ნარკოტიკების გაყიდვის თემამ ააღელვა. მუსიკოსის თქმით, თბილისის კლუბებში ნარკოტიკები არ


«ასე ვიღებთ სტერილურ, იმპოტენტ, უუნარო და უმაქნის თაობებს» – ცოტნე გამსახურდია

ტომოგრაფიული კვლევები გვიჩვენებს, რაოდენ დიდ ზიანს აყენებენ ბავშვს ემოციური პრობლემები, ჩაგვრა, დასჯა, და ა.შ. პრობლემური ბავშვის ტვინის ზომა ერთი-ორად უფრო


«ბარტყები ვისგანაც გამოვჩეკე, იმ კაცის დაბადების დღეა»- ნათია ფანჯიკიძე მეუღლეს დაბადების დღეს ულოცავს

«ბარტყები ვისგანაც გამოვჩეკე, იმ კაცის დაბადების დღეა. ერთმა ჭკვიანმა ქალმა მითხრა, ქალს აქვს უფლება ყველაფერი შეეშალოს, იმის გარდა, შვილებს ვისგან


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*