„პირველ რიგში ჩვენთან ბავშვები სწავლობენ პატივისცემას და თავაზიანობას“ | Jolo.ge


„პირველ რიგში ჩვენთან ბავშვები სწავლობენ პატივისცემას და თავაზიანობას“

„პირველ რიგში ჩვენთან ბავშვები სწავლობენ პატივისცემას და თავაზიანობას“

იაპონიაში, ვიდრე სენსეი მოსწავლეს აიყვანდა, ის მას გარკვეული დროის მანძილზე თავის სახლში აცხოვრებდა, როგორც დამხმარეს, იმისთვის, რომ უკეთ გაეცნო მისი ხასიათი და ამის შემდეგ გადაწყვეტდა აეყვანა თუ არა ის მოსწავლედ. პრივილეგია იყო კარატეს სწავლება და ყველას არ ჰქონდა ამის შანსი.

ასეთ დამოკიდებულებაში ნათლად ჩანს თუ რა იყო იაპონელი სენსეების პრიორიტეტი მოსწავლის შერჩევის დროს: ამოწმებდნენ ადამიანურ თვისებებს, მიდრეკილებებს და ფასეულობებს.

დღეს სხვა რეალობაა, მართალია მიდგომა შეიცვალა მაგრამ არსი იგივე დარჩა.

პირველ რიგში ჩვენთან ბავშვები სწავლობენ პატივისცემას და თავაზიანობას. როდესაც შევდივართ დარბაზში ჩვენ ვხრით თავს, დარბაზის პატივისცემის ნიშნად. როდესაც მოწინააღმდეგესთან პირისპირ ვდგებით, ვუხრით თავს სანამ შევეხებით, რაც არ უნდა მძიმე და მტკივნეული იყოს ჩვენი ეს შეხება, როცა ვამთავრებთ ვუხრით თავს მადლობის ნიშნად.

თვალსაჩინოა, ბავშვები ყველაზე კარგად გრძნობენ ყალბ დამოკიდებულებას ამიტომ ვალდებულები ვართ რომ ვიყოთ მათ მიმართ გულწრფელები. ვარჯიშის მუდმივი, თანმდევი პათოსი არის პატივისცემა. ჩვენი მხრიდან არ არსებობს ემოციურად ნათქვამი სიტყვა ან ქცევა თუ არ არის ის წინასწარ ნაფიქრ-ნააზრევი.

ვარჯიშის შემდეგ, ეს პატარა ბავშვები სათითაოდ მოდიან ჩემთან და მემშვიდობებიან, მე ამას ვიღებ როგორც მათ გაუცნობიერებელ მადლობას. ვცდილობთ თავიდანვე შევაჩვიოთ ასეთ ურთიერთობას. ვარჯიშის პროცესში შეუიარაღებელი თვალითაც ჩანს ოცი ბავშვის და ერთი სენსეის ხარისხიანი ურთიერთობა. იკვრება ძალიან დადებითი აურა, და როცა ახალი ბავშვი მოდის ის ძალაუნებურად ხდება ამ აურის თანაზიარი და ექცევა პოზიტიური ზეგავლენის ქვეშ, შესაბამისად ისიც ხდება მშვიდი, გაწონასწორებული და თავდაჯერებული.
ამის შემდეგ, დარბაზიდან გარეთ გასული, უფრო მძაფრად გრძნობ და ხედავ ერთმანეთის მიმართ უკვე ჩვევად ქცეული უპატივცემულობის ოხშივარს..

ლევან როგავა

ნანახია:(119)-ჯერ


Comments

comments



Related Articles

„მეუფეო, როგორ შეგეძლოთ დაგელიათ ეს წამალი, იმის შემდეგ რაც ეს წერილი წაიკითხეთ?“

კეისარს ერთადერთი ადამიანი და მეგობარი გააჩნდა, რომელსაც ენდობოდა – მისი ექიმი. უფრო მეტიც, როდესაც ავად იყო იგი წამალს მხოლოდ მისი


„რუსები სამოთხის ნაცვლად საქართველოზე ოცნებობენ“ — ჯონ სტაინბეკი

  ამერიკელმა მწერალმა ჯონ სტაინბეკმა 1947 წელს სსრკ-ში იმოგზაურა. მან მოიარა მოსკოვი, ლენინგრადი, კიევი, სტალინგრადი და ბოლოს, საქართველოსაც ეწვია. აი,


სასიყვარულო ურთიერთობაში ჰარმონიას რომ მიაღწიოთ…

უნდა გჯეროდეთ თქვენი პარტნიორის; პატივი ეცით მის სურვილებს, მაგრამ არც საკუთარი დაივიწყოთ; უნდა შეგეძლოთ მისი ყურადღებით მოსმენა; გამოავლინეთ მის მიმართ


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*