„მინდა უკიდეგანო მადლობა ვუთხრა ყველას, ვინც“… | Jolo.ge


„მინდა უკიდეგანო მადლობა ვუთხრა ყველას, ვინც“…

„მინდა უკიდეგანო მადლობა ვუთხრა ყველას, ვინც“…

არასდროს გიგრძვნიათ? რაც უფრო იზრდება ჩვენი გულწრფელობის ხარისხი, როცა ცუდად ვართ, მით უფრო მარტონი ვრჩებით. თითქოს ადამიანებს ეჩვენებათ, რომ ჩვენი რუხი ამბებით მათ სიმწრით მოპოვებულ სინათლეს, როგორც ძვირფას მონაპოვარს, ვაფუჭებთ.

ვითომ გვერდით გვიდგანან, რომ სინდისი არ აუჯანყდეთ და სინამდვილეში ყველა სიტყვა იმ უჯრიდან აქვთ ამოღებული, რომელშიც პლასტმასის, ხელოვნური, უკაპილარებო გრძნობები აქვთ გადანახული ჩვენისთანებისთვის.

ისე ამაყად გვანუგეშებენ, თითქოს გვციოდა და ჩაგვაცვეს, მაგრამ რის გადაგდებასაც აპირებდნენ, ის მოგვცეს.

ცხადია, მადლიერნი უნდა ვიყოთ, გვათბით, მაგრამ ჩვენ მაინც სულ ისეთს ველოდებით, ვინც იმას გაიღებს, რაც უყვარს, იმიტომ, რომ ცისფერი თვალები გვაქვს და ჩვენ უფრო მოგვიხდება მისი ჯემპრი…

ასეთები თითქმის არ არსებობენ და მინდა უკიდეგანო მადლობა ვუთხრა ყველას, ვინც ზღურბლთან კი არ მოვგაწვდის ხურდას, როცა მარტონი ვართ და ამაყად კი არ მოხურავს კარს, ადგება და საკუთარი გულის მისაღებ ოთახში გვასადილებს მზით და ისე უხმოდ და ჩვეულებრივ გააკეთებს ამას, თითქოს უბრალოდ ერთი ყლუპით ნაკლები ჟანგბადი ჩაისუნთქა ჩვენს გამო. ან ერთი ყლუპით მეტი. სხვა არაფერი.

მაია სარიშვილი

ნანახია:(178)-ჯერ


Comments

comments



Related Articles

ტერენტი გრანელის «Memento Mori» და გალაკტიონის რეაქცია — «კაი, ძამიკო, კაი»…

ტერენტი გრანელი მთაწმინდაზე ცხოვრობდა. იმ დღეს, როდესაც ყველასათვის კარგად ცნობილი ლექსი Memento Mori დაწერა ძალიან გახარებული სახლიდან გამოვარდა დაღმართზე დაეშვა,


ბუდას ქანდაკების კომპიუტერულმა ტომოგრაფიამ საოცარი რამ გამოავლინა (ფოტოკოლაჟი)

მე-11-მე12 საუკუნეების ბუდას ქანდაკების კომპიუტერულმა ტომოგრაფიამ და ენდოკოპიამ, რომელიც ჰოლანდიის მეანდრის სამედიცინო ცენტრში ჩატარდა, გამოავლინა, რომ მასში ბუდისტი ოსტატის, ლიუციუანის,


შეინახეთ ეს სტატია და წაიკითხეთ, ყოველთვის, როცა ცუდად იქნებით

ცხოვრების ყველაზე რთულ მომენტშიც კი გახსოვდეთ, რომ: დედამიწაზე არსებობს მინიმუმ ორი ადამიანი, რომელთა გამოც თქვენ სიცოცხლესაც კი დათმობდით.   და


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*