„მე ვიცნობდი ღმერთს“ — დინა მირცხულავა | Jolo.ge


„მე ვიცნობდი ღმერთს“ — დინა მირცხულავა

„მე ვიცნობდი ღმერთს“ — დინა მირცხულავა

მე ვიცნობდი ღმერთს.
მიწისქვეშა გადასასვლელის ბოლოში იჯდა.
მუყაოს ყუთზე მზესუმზირა და გოგრის გარჩეული გული დაეწყო და ჰყიდდა.
მოხუცი და დალეული იყო.
რამეს რომ მივუტანდი, იმ ცივ ხელებში მოაქცევდა ჩემს ხელს და მლოცავდა — ათი ჩემი ხნისა მოიყარეო.
ერთხელ შავი ჟაკეტი მოვპარე დედას და მივუტანე.
რა უნდა აჩუქოს ადამიანმა ღმერთს ზამთარში, თუ არა თბილი ჟაკეტი ?!
მერე თბილი ფეხსაცმელები მივუტანე.
— ღმერთო, ნუ გამაგიჟებ, სახლიდან მეკარგებაო ტანსაცმელი — მხრებს იჩეჩავდა დედაჩემი.
ჰოდა, არ აგიჟებდა ღმერთიც.
გასუსული ვიჯექი მეც.
რომ მეთხოვა, არ მეტყოდა უარს, მაგრამ არავის უნდა სცოდნოდა, რომ ღმერთი იჯდა მიწისქვეშა გასასვლელის ბოლოში და მზესუმზირას ჰყიდდა…
და რომ მე ვიცნობდი გაადამიანებულ ღმერთს — ყველაზე მარტოსულსა და მოწყენილს მთელს პლანეტაზე.
რამდენიმე დღით მომიწია ქალაქიდან წასვლა და უკან მობრუნებულს მიწისქვეშა გასასვლელი სულ სხვანაირი დამხვდა.
პატარა ჯიხურები ჩაედგათ და გაენათებინათ…
იყო უფრო ლამაზი, მაგრამ უღმერთო.
გარემოვაჭრეები აყარეს — არც შემოუხედავს ქალს, ისე მიპასუხა ჯიხურიდან.

დადის ღმერთი დედაჩემის თბილი ჟაკეტითა და თბილი ფეხსაცმელებით…

დავდივარ მეც ღმერთისტოლა ნაბიჯებით და მიხარია, რომ მილიონ ადამიანში ამოვიცნობ ღმერთს დედაჩემის ტანსაცმელში…

დინა მირცხულავა

ნანახია:(115)-ჯერ


Comments

comments



Related Articles

სიყვარული ეს არის — ცნობილი ადამიანების პასუხი

“სიყვარული იდეალური მცნებაა, ქორწინება რეალური.” – გოეთე   “სიყვარულია როდესაც აღმოაჩენთ, რომ სხვის ბედნიერებაში უფრო მეტი ბედნიერებაა, ვიდრე საკუთარში.” –


7 მიზეზი, რომელთა გამოც მამაკაცები ქორწინებას არ ჩქარობენ

1)ეშინიათ თავისუფლების დაკარგვის. 2)მის გარშემო ძირითადად დასაქორწინებელი ძმაკაცები ტრიალებენ, რომლებიც ასევე არ ჩქარობენ უღელში თავის გაყოფას. 3)ფინანსური პრობლემები. 4)საცხოვრებლის საკითხი(უბინაობა).


სიყვარულის საიდუმლოება…

მეცნიერებმა დაადგინეს, რომ ადამიანებში სიყვარულის უნარს განსაზღვრავს მისი დაბადების დღე. ორშაბათს დაბადებული ქალი მეტწილად მეოცნებე და მოსიყვარულეა. მამაკაცი— ნატიფი, მგრძნობიარე


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*