„მაძლევს კონვერტს… გავხსენი და — დევს შიგ 500 დოლარი“ | Jolo.ge


„მაძლევს კონვერტს… გავხსენი და — დევს შიგ 500 დოლარი“

„მაძლევს კონვერტს… გავხსენი და — დევს შიგ 500 დოლარი“

…ჰოდა, — მიამბობს მეგობარი — მირეკავს იმდღეს ახლობელი ნახვა მინდა შენიო, რაღაცა უნდა გადმოგცეო. შევხვდი. მაძლევს კონვერტს. გავხსენი და — დევს შიგ 500 დოლარი. ესო, გოგიმ გამოგიგზავნაო. გოგი ხო გახსოვს, ჩემი ბიძაშვილი როა, შავგოგიას რო ეძახდნენ (მე კი თეთრგოგია ვიყავიო მაგ ლოგიკით), ისრაელში რო წავიდა სამუშაოდ?!.
მახსოვს შავგოგია. მგონი დარაჯად დაიწყო იმ ისრაელში მუშაობა, უკვე მესამე წელია იქაა
— ჰო, ეგა. თურმე მაგას გამოუგზავნია, სულ 1000 დოლარი. ნახევარი ამ ახლობლისთვის დაუბარებია — კარგად გაიხსენეო და თუ ვინმე ჩვენ სოფელში ყველაზე გაჭირვებული გეგულება, სააღდგომოდ გაუნაწილეო. 500 კიდე თეთრგოგიას მიეცი, იმანაც — ვისაც ყველაზე მეტად უჭირდეს და სამკურნალო ფული არა ქონდეს, თავის პაციენტებიდან, შეუძინოს წამლები და რაც დაჭირდეთ, რასაც გააწვდენსო… ჰოდა ეგ იყო ის 500 დოლარი. აზრზე ხარ?
ვარ, ვარ აზრზე, ჩემო თეთრგოგია, უფრო მეტიც, ისეთ ჭკუაზე ვარ, მინდა ყველა გამვლელს ჩავეხუტო, ჩავეკრა გულში და დავუკოცნო აი ის ადამიანობის მისხალი, ხანდახან ყველასგან დაფარულად, ქვისგამხეთქი სინათლით რო იკრებს სამყაროს სიკეთეს…
პ.ს. სახელები განგებ შეცვლილია, ამბის პირველწყაროს თხოვნით. დანარჩენი ყველაფერი ნამდვილია და გაუზვიადებელი.
ქრისტე აღდგა!

წყარო: facebook

Nino Sadgobelashvili Ninia

ნანახია:(681)-ჯერ


Comments

comments



Related Articles

გაუფრთხილდით ძლიერ ადამიანებს…

ძლიერი ადამიანები სუსტებზე მეტად დაუცველები არიან. ქარბორბალას დროს მოქნილი ლერწამი იღუნება და შრიალებს, ხოლო ფიჭვი უბრალოდ ტყდება და ნადგურდება, ამბობენ


სიყვარულის კოშკი და აკრძალული სიყვარულის ისტორია

აკრძალული სიყვარულის ისტორია, რომელზეც ეს „კოშკი მოგვითხრობს“, სვანეთში ყველამ იცის. ხოლო, როდესაც სვანეთში ყოფნისას მეგზურობას ამ მთების შვილი გიწევს, გზადაგზა


სევდა გვაძლევს სიღრმეს. ბედნიერება კი გვაძლეს სიმაღლეს

«ცდებით, როდესაც გგონიათ, რომ სამყარო თქვენს წინაშე ვალშია. სამყაროს თქვენი არაფერი მართებს, ის თქვენამდეც იყო. ბევრი ადამიანი თვლის, რომ სამყარომ


No comments

Write a comment
No Comments Yet! You can be first to comment this post!

Write a Comment

<