ლიტერატურული ფესტივალი » ზე-კართან» საერთაშორისო მასშტაბებს იძენს | Jolo.ge


ლიტერატურული ფესტივალი » ზე-კართან» საერთაშორისო მასშტაბებს იძენს

ლიტერატურული ფესტივალი » ზე-კართან» საერთაშორისო მასშტაბებს იძენს

ლიტერატურული ფესტივალი, რომელიც უკვე მეშვიდე წელია აჭარაში იმართება, წელს საერთაშორისო ლიტერატორებს და ხელოვანებს მასპინძლობს. ქართველ ლიტერატორებთან ერთად ფესტივალში “ზე-კართან” მონაწილეობას მიიღებენ: დომენიკო პოლიტო (იტალია), ალესანდრო ალეგრა (იტალია), აფაგ მესუდა გამომცემელი მწერალი (აზერბაიჯანი), იმირ მამედლი, მწერალი, მთარგმნელი (აზერბაიჯანი), კარიკატურისტი -კემო საქართველოდან, რომელიც მსოფლიო კარიკატურისტების საერთაშორისო ფესტივალის სამგზის გამარჯვებილია. 

ფესტივალი 19-22 სექტემბერს  ხულოსა და შუახევის მუნიციპალიტეტებში გაიმართება. სამი დღის განმავლობაში ჩატარდება საჯარო ლექციები, პოეზიის საღამოები, ლიტერატურულ-თეატრალური პეფორმანსი “ანბანთქება”, ფოლკლორული კონცერტები და გამოფენები. ასევე ქართული ლექსების მიხედვით მხატვრები შექმნიან ფერწერულ ტილოებს.

ფესტივალი 2013 წელს რეჟისორ ვახტანგ ბერიძის იდეით დაფუძნდა. მისი მიზანია თანამედროვე ლიტერატურული პროცესების ხელშეწყობა, აჭარის მაღალმთიანეთის პოპულარიზაციის გაზრდა პოეტებსა და პროზაიკოსებში, რათა აჭარის ისტორიასა და კულტურაზე, მისი ბუნების სილამაზე უფრო მეტი ნაწარმოები შეიქმნას.

ფესტივალი ხელს უწყობს მთიანი აჭარის კულტურული ტურიზმის პოპულარიზაციას.

ვახტანგ ბერიძე, ფესტივალის დამფუძნებელი: წელს ფესტივალი ანა ლაშხელის ხსოვნას ეძღვნება. გასულ წელს ანა ჩვენი ფესტივალის ერთ-ერთი მონაწილე იყო… 19-დან 22 სექტემბრის ჩათვლით მთიან აჭარაში ველოდებით მათ, ვისაც აქამდე არ მიეცათ საშუალება ჩვენთან ერთად ზიარებოდნენ მაღალმთიანი აჭარის კულტურულ მემკვიდრეობას, ბუნების ხიბლს და მომაჯადოებელ ფოლკლორს, გაცნობოდნენ ქართული ლიტერატურის თვალსაჩინო წარმომადგენლების შემოქმედებას.

ფესტივალზე დასწრება თავისუფალია.

ფესტივალი აჭარის განათლების, კულტურის და სპორტის სამინისტროს და შუახევისა და ხულოს მერიის დაფინანსებით იმართება.

გადადით ლინკზე: https://bit.ly/2mcyS5B

ნანახია:(43)-ჯერ


Comments

comments



Related Articles

ნანუკა გოგიჩაიშვილი: ‘’რა მაგარი იდეაა, გავგიჟდი’’

ბოლო პერიოდში საქართველოში განსაკუთრებით აქტუალური გახდა იმაზე საუბარი თუ რა ცუდი ერი ვართ და როგორ გვძულს ერთმანეთი, როგორ გაცივდა საზოგადოება,


„ყველა პირმოთხვრილს რაცხავთ პირიმზედ“,-დავით დეფი

გულით მოგეცით ცოცხალი სიტყვა, თუმცა ავადმყოფს არ სურს წამალი. აქედან წასვლამდე მომინდა გითხრათ — ჩემი ადგილი თქვენთან არ არის. თქვენ


მთაწმინდაზე დაბანაკებული ბოშები და მანქანიდან გადმოყვანილი ბიზნესლედი

გვიან ღამით მთაწმინდაზე მცხოვრებნი ბოშურმა სიმღერამ და უჩვეულო სანახაობამ გამოაფხიზლა. ამღერებული ბოშა ქალი მუსიკოსებთან ერთად  მანქანას გადაეღობა და მანქანაში მყოფ


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*