კაცი, რომელიც ქალაქს დააკლდა | Jolo.ge


კაცი, რომელიც ქალაქს დააკლდა

კაცი, რომელიც ქალაქს დააკლდა

81 წლის ასაკში გარდაიცვალა ძირძველი თბილისელი, საქართველოს ტელევიზიის პირველი არხის ჟურნალისტი, ფოტოხელოვანი, სპორტის ოსტატი, უშიშარი და გულანთებული ადამიანი ხაჩატურ ვართანიანცი.

იგი, როგორც ტელეჟურნალისტი, ორჯერ იმყოფებოდა ჩერნობილში, ატომური ელექტროსადგურის ავარიის შესახებ ვიდეომასალის მოსამზადებლად..

ხაჩატურის ტელეფილმმა „პარაშუტისტები“ მრავალი პრემია დაიმსახურა. ამ ტელეფილმის გადაღებისას მას თავად მოუწია პარაშუტით 147-ჯერ გადმოხტომა.

მას მომზადებული აქვს ინტერვიუები ისეთ ცნობილ ადამიანებთან, როგორებიც იყვნენ: ვ. ვისოცკი, ა.ხაჩატურიანი, ი.ლევიტანი, კ.სიმონოვი, ა.მარესიევი, ი.გაგარინი, ა.ბაბაჯანიანი, ა.გელოვანი, ფ.მკრტჩიანი და სხვები.

1997 წელს დააფუძნა და დღემდე იყო საქართველოს ხანდაზმულთა ასოციაცია „სავანეს“, დამფუძნებელი-პრეზიდენტი. აღნიშნული ასოციაცია საქართველოში მცხოვრებ ხანდაზმულებს უწევდა როგორც მატერიალურ, ასევე მორალურ მხარდაჭერას, აწყობდა მათთვის სხვადასხვა შეხვედრებსა და ღონისძიებებს.

თბილისში, ერევანსა და გურჯაანში, ხაჩატურ ვართანიანცის დაბადების 60 წლისთავთან დაკავშირებით მოეწყო ფოტოგამოფენა — „კავკასიის ცის ქვეშ“.

დაბადების 75 წლისთავთან დაკავშირებით საქართველოს მწერალთა და ჟურნალისტთა კავშირმა ხაჩატურ ვართანიანცი დააჯილდოვა აკაკი წერეთლის სახელობის პრემიით, ხოლო
პატრიოტული მოღვაწეობისათვის იგი დაჯილდოვებული იქნა ქ. ვენეციის ოქროს სამაგიდო მედლით.

ნათელში ამყოფოს უფალმა ხაჩატურის (ჩვენი ხაჩის) სული.

პანაშვიდი სამშაბათს (13 ნოემბერს) და ოთხშაბათს (14 ნოემბერს).

გამოსვენება — 15 ნოემბერს (ხუთშაბათს) 15:00 საათზე.

მის.: მარჯანიშვილის,16; მე-4 კორპუსი, პირველი სადარბაზო, მე-8 სართული

ნანახია:(47)-ჯერ


Comments

comments



Related Articles

10 სიტყვა, ქართულში რომ ვერ დამკვიდრდდა

10 სიტყვა, ქართულში რომ ვერ დამკვიდრდდა. თუმცა, ზოგიერთი ისეთი შინაარსიანია, რომ მისი გამოყენება ურიგო არ იქნებოდა: 1. აქსიომა — აშკარი


ყველა გრანდიოზულ და დიდ ცვლილებებს წინ უსწრებს ქაოსი!

მე მჯერა სამყაროს კანონზომიერების, — ყველაფერი ისეა როგორც უნდა იყოს, მჯერა, ჩვენგან განსხვავებით, სამყარო ხედავს სრულ სურათს და ეს აბობოქრება,


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*