გალაკტიონის დღიურიდან: 1932 წელი. 31 დეკემბერი  | Jolo.ge


გალაკტიონის დღიურიდან: 1932 წელი. 31 დეკემბერი 

გალაკტიონის დღიურიდან:  1932 წელი. 31 დეკემბერი 

 

,,ისევე ავადა ვარ და ახალ წელს ვხვდები ჯიბე-გაფხეკილი… დავდივარ უფეხსაცმელოდ; ერთად ერთი მიღწევა ეს პალტოა, რომელიც როგორც იქნა ვიშოვნე…

რაც ყველაზე საშინელია, ისევ მაწვალებდა თვითმკვლელობის ფიქრი, რომელიც მეგონა, რომ სამუდამოდ ჩამოვიშორე. საათი დაყენებულია სწორედ თორმეტზე და მისი რეკვა შემატყობინებს ახალი წლის დადგომას. ღირს კი რაიმეს გახსენება მიმავალი წლის ამბებიდან?..

მთელი წლის განმავლობაში საზიზღრად ვსაზრდოობდი და ალბად იმის ბრალია, რომ ყველაფრის ხალისი მეკარგება. ათასჯერ გამძარცვეს. ერთხელ პალტო წამართვეს, მეორეჯერ პიჯაკი დოკუმენტებით (ოო, ეს საშინელება იყო), მესამეჯერ ფეხსაცმელები და კალოშები, მეოთხეჯერ ქუდი (სულ სამი ქუდი დავკარგე ამნაირად)…

სხვადასხვა დროს დავკარგე ორი ახალთახალი შარფი, კრიზისის დროს გავყიდე უკანასკნელი შარვალი…
დედაჩემმა სოფლიდან წყევლით გამომისტუმრა.

აბესალომი აქ ჩამოვიდა, ცარიელი „ლაი-ლაი“ გამართა და ისევ წავიდა.

ოლია სწორედ მაშინ გაჰქრება, როდესაც ავადა ვარ და წყალის მომწოდებელი კაცი არ არის. ამასწინად მთელი ერთი კვირა ვიყავი ავად, ვიწექი საწოლში მშიერი და კაცი ჩემთან არავინ მოსულა; მშიერი, ავადმყოფი, უპალტოობის გამო სასოწარკვეთილებაში ჩავარდნილი 24 დეკემბრიდან 28 დეკემბრამდე მარტოდ მარტო ვიყავი, კაცი არ იყო ჩემი ამბის მკითხველი.

ჩემთან ბინაში სწორედ ხუთი წელიწადია არც ერთი მეგობარი არ მოსულა, ნუ თუ ეს არ არის უბედურება? კაცი რომ მოჰკვდე საკუთარ ოთახში, ამას გაიგებენ მხოლოდ 15 დღის შემდეგ, როდესაც გახრწნის სუნი გაანგრევს კარებს და ეზომდე გაატანს»…

ნანახია:(29)-ჯერ


Comments

comments



Related Articles

«ჩემი ცოლის დაქალების» შემქმნელებისგან «ხელოვნური სუნთქვა» მალე «რუსთავი 2″_ზე

„ფორმულა კრეატივი“ ახალ სერიალზე მუშაობს, რომელიც დღის სინათლეს „რუსთავი 2“-ის ეთერში მალე იხილავს. სერიალ „ხელოვნური სუნთქვის“ შექმნაზე ზუსტად ის გუნდი


‘’დაზარალებულებს უნდა დავეხმარო, წუხელ არ მიძინიაო’’ — თანადგომა ქართულად!

„დღეს ემოციურად დადებითად ვარ განწყობილი და მინდოდა გამეზიარებინა. აფთიაქში ვმუშაობ და შემოვიდა მამაკაცი, უბრალოდ ჩაცმული და „პამპერსები“ მინდა ყველა ზომაო, მეთქი


გელა ჩარკვიანი:„რიო-დე-ჟანეიროში ბორდელში რომ შევიდე ეს ღალატია ჩემი ცოლის“?

ღალატთან დაკავშირებით გელა ჩარკვიანმა ეკა ხოფერიას შოუში ილაპარაკა. მისი თქმით, ღალატი მამაკაცებს ეპატიებათ, ქალებს კი არა. ამას მან ამგვარი ახსნა


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*