ზემო აჭარა და ფესტივალი „ზე-კართან“ — ვახტანგ ბერიძის კეთილი საქმე | Jolo.ge


ზემო აჭარა და ფესტივალი „ზე-კართან“ — ვახტანგ ბერიძის კეთილი საქმე

ზემო აჭარა და ფესტივალი „ზე-კართან“ — ვახტანგ ბერიძის კეთილი საქმე

თავის მიზაწე უზომოდ შეყვარებულ რეჟისორს, ვახტანგ ბერიძეს დღეს ბევრი იცნობს, მისი ინიციატივითა და  დამსახურებით უკვე, რამდენიმე წელია მთიან აჭარაში ლიტერატურისა და ხელოვნების კვირეული ეწყობა. 

სწორედ თავისი კუთხის სიყვარულმა გააკეთებინა ბევრი კარგი საქმე. 2013 წელს ლიტერატურული ფესტივალი „ზე-კართან“ დააფუძნა, დაგეგმილ ღონისძიებებში ადგილობრივები ჩართო და მას შემდეგ აჭარის ისტორიასა და კულტურას შუახევსა და ხულოში შეკრებილ საზოგადოებას აცნობს.  ღონისძიებები ყველა თაობისა და გემოვნების მაყურებელზეა გათვლილი. აჭარაში კულტურული ცხოვრების გააქტიურება და იქ მცხოვრებ ახალგაზრდებში ხელოვნებისადმი ინტერესის გაღვივებაც მისი დამსახურებაა.  

როგორც გასულ წლებში, წელსაც მაღალმთიან აჭარას ქვეყნის მასშტაბით მოღვაწე ხელოვანები სტუმრობენ. ფესტივალს ასევე უცხოეთში მოღვაწე ქართველი ლიტერატორები და პოეტებიც ესტუმრნენ.

ვახტანგ ბერიძე, ფესტივალის დამფუძნებელი და დირექტორი: ლიტერატურული ფესტივალის „ზე–კართან” მიზანია თანამედროვე ლიტერატურული პროცესების ხელშეწყობა, აჭარის მაღალმთიანეთის პოპულარიზაცია მწერლებსა და პოეტებში, აჭარის ისტორიასა და კულტურაზე ახალი ლიტერატურული ნაწარმოებების შექმნა.

ფესტივალი უკვე ექვსი წელია ტარდება აჭარაში და დიდი პოპულარობით სარგებლობს ლიტერატურულ წრეებში. სამომავლოდ იგეგმება ფესტივალის საქართველოს სხვა რეგიონებში ჩატარება. მასში მონაწილეობას მიიღებენ ცნობილი ქართველი პოეტები, პუბლიცისტები და მწერლები.

-კონკრეტულად რა ღონისძიებებია დაგეგმილი?

— ფესტივალის ფარგლებში გაიმართება ადგილობრივი ანსამბლების კონცერტები, პოეზიის საღამოები, საჯარო ლექციები, მასტერკლასები წიგნების პრეზენტაციები, ინტელექტუალური თამაშები, ექსკურსიები ადგილობრივი ისტორიული ძეგლების, მუზეუმების, კულტურული კერების სანახავად.

შემდეგ ამ შთაბეჭდილებებზე იწერება წიგნი, რომელიც ვფიქრობ რომ ამ ფესტივალის მთავარი ღირებულებაა.

წელს ფესტივალს დაემატა „კინო-პოეზია“, რომელიც მოიცავს რეჟისორების და პოეტების თანამშრომლობით ვიდეორგოლების შექმნას, რომლებიც განთავსდება მედიასა და სოციალურ ქსელებში.

ფესტივალის ფინანსური მხარდამჭერებია: აჭარის განათლების, კულტურისა და სპორტის სამინისტრო, შუახევისა და ხულოს მერია და მიკროსაფინანსო ორგანიზაცია ბერმელი.

პროექტის საინფორმაციო მხარდაჭერას უზრუნველყოფს ტელეკომპანია „რუსთავი 2”, აჭარის ტელე და რადიომაუწყებელი, Tv25, საზოგადოებრივი მაუწყებელი გაზეთი “აჭარა”,ინტერნეტგამოცემა „ბათუმელები”, ჟურნალი “კულტურა პლუსი”, »ინტერნეტ ჟურნალი ჟოლო», პიარ კომპანია MPR.

 

ნანახია:(30)-ჯერ


Comments

comments



Related Articles

«გთხოვთ, ეს ლექსი მიიღოთ, როგორც სამადლობელო იმ სიყვარულისთვის, რომელსაც თქვენგან ასე უანგაროდ ვიღებ»- ტარიელ ხარხელაური

«ვფიქრობ, რომ ეს ლექსი შედარებით სრულად გამოხატავს დამოკიდებულებას თქვენდამი. გთხოვთ, ეს ლექსი მიიღოთ, როგორც სამადლობელო იმ სიყვარულისთვის და სითბოსთვის, რომელსაც


„ერთი დიიიდი ტალღა ხომ უნდა აგორდეს ამ ქვეყანაში, რომელიც ცხოვრებას სხვა თვალით დაგვანეხებს?! “ — ნიკა ქავთარაძე

„დღეს ადამიანური ურთიერთობების ძირითადი/მიღებული ფორმა აგრესიაა. დედები შვილებს აღარ ეფერებიან. დები ძმებს. ცოლები და ქმრები სიყვარულს არ გამოხატავენ ერთმანეთის მიმართ.


ნარკოტიკები და კახა ცისკარიძის აღელვება „სხვა რაკურსში“

გია ჯაჯანიძის შოუში სტუმრად მყოფი ცნობილი მუსიკოსი, კახა ცისკარიძე კლუბში ნარკოტიკების გაყიდვის თემამ ააღელვა. მუსიკოსის თქმით, თბილისის კლუბებში ნარკოტიკები არ


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*