ენაკვიმატი გურულები | Jolo.ge


ენაკვიმატი გურულები

ენაკვიმატი გურულები

კარანტინია და ხალხმა სოფელს შეაფარა თავი. გურულსაც ესტუმრა ქალაქიდან გამოხიზნული ნათესავები.
ერთ დილას ეზოში მომუშვე გურულთან ეს თავშეფარებული ნათესავი მივიდა:
— მთელი დღე მუშაობ, მაგრამ არასწორად! — გაუმხილა ,,დაკვირვების» შედეგი.
— რეიზა ვითომ? — გაუკვირდა გურულს.
— ასე არ უნდა შეაჭრა ტოტები. გამიკვირდება, ამ ხეზე ერთ კილო ვაშლსაც თუ მოკრეფ… და ამიტომ….
— მაი, მეც გამიკვირდება, ძამა, — ეჭვით გახედა ხეს გურულმა — აი ხეი მსხალია და იმიზა!

👀😀

გურულმა ბებიამ ძროხის სანახავად ახალ გამომცხვარ ვეტერინარს დაუძახა. ექიმი ველოსიპედით მივიდა, შეათვალიერა ,,პაციენტი» და პატრონს მიუბრუნდა:
— აი, ატეხილია, ნინა ბებია!
— აუფ! რა წეიყვანს ამას ახლა ერკეთში(მე -3 სოფელია)?! — შეიცხადა ნინამ.
ვეტერინარს შეეცოდა, გახსნა დალუქული კონტეინერი და შპრიცით ხელოვნური განაყოფიერება ჩაუტარა საქონელს.
— ვსიო, აფერი არ უნდა ამას, მაკეთაა უკვე!
— რას ჩივი ნენა?ამას ბუღა არ უნდა? — გეიკვირვა ქალმა.
— არა, ნინა ბებია, მაკეთაა უკვე მაი!
— რაფერ ნენა?! ამაზე ახლა კურომ არ უნდა გადეიაროს? — დააკონკრეტა ზრდილობიანად.
— 100-ჯერ ხომ არ გეტყვი, ნინა ბებია?! არ უნდა მაგას აფერი…
— ამ ხნის ქალი ვარ და პირველად ვნახე ბუღა ველოსიპეტით დეიარებოდეს და «იგი» ჩემოდნით დაქონდეს — პირჯვარი გადეიწერა გაოგნებულმა ნინა ბებიამ.

😀👀

გურიაში მიცვალებულს მიასვენებენ და მისტირიან:

— ნენაააა, სა მიხვალ ბიჯოოოოუ? წყალი მაქანე არაა, საჭმელი მაქანე არაა, დენი მაქანე არაა, სითბო მაქანე არაა და აფერიიიი… სა მიხვალ, ბიჯოოოოოუ!

ორღობეში მიმავალ ჭირისუფალს ბალკომიდან უყურებს ერთი მოხუცი გურული და ცოლს გასძახებს:

— ნანულია, სეით ხარ, ქალო? ცოცხი გამუუსვი, ელანძე, აი ჩვენთან მოყავენ გონია.😳😳😳

წყარო: Manana Jincharadze

 

ნანახია:(235)-ჯერ


Comments

comments



Related Articles

«ადამიანი, რომელმაც სიკვდილი გააცინა»

30 წლის წინ ამერიკელი ფსიქოლოგი ნორმან კაზინსი სერიოზულად გახდა ავად, მას დაუსვეს დიაგნოზი – კოლლაგენოზი. მისი მდგომარეობა მართლაც კრიტიკული იყო,


მაგნო შავდია, ცხელი ლატე, უგემრიელესი ტერამისუ და უხვი პოზიტივი …

ასე იწვევს სამხიარულოდ, სიცილის ჯადოქარი სიხალისეს გადაჩვეულ თბილისელებს. საქართველოს რამდენიმე დღის წინ ეწვია და თავისი პოზიტივი ქალაქს უკვე დაატყო. ჯერ


რატომ მიბრუნდა ოზურგეთში ჩამოსული მძღოლი ზესტაფონში

დიდუბის ავტოსადგურში, ოზურგეთის სამარშრუტო ტაქსში ახალგაზრდა ცოლ-ქმარმა მოხუცი ბებო მძღოლის უკან მდებარე სავარძელში ჩასვა, პატარა ჩანთა ფეხებთან ჩაუდგა და მოხუცს


No comments

Write a comment
No Comments Yet! You can be first to comment this post!

Write a Comment

<