ცხოვრებისეული გაკვეთილები „კოსმოპოლიტენის“  ლეგენდარული რედაქტორისგან | Jolo.ge


ცხოვრებისეული გაკვეთილები „კოსმოპოლიტენის“  ლეგენდარული რედაქტორისგან

ცხოვრებისეული გაკვეთილები „კოსმოპოლიტენის“  ლეგენდარული რედაქტორისგან

ჰელენ გურლეი ბრაუნი გახლავთ ქალბატონი, რომელიც პირველი ალაპარაკდა საჯაროდ ქალების უფლებებსა და მოთხოვნილებებზე, ამის გამო მას ხშირად აკრიტიკებდნენ. ეს ქალბატონი ცნობილი ჟურნალის „კოსმოპოლიტენის“ რედაქტორი 1965-1997 წლებში იყო და სრულიად შესაძლებელია მის დამსახურებად ჩავთვალოთ ამერიკული და ევროპული საზოგადოების დღევანდელი თავისუფალი აზროვნება. ის ყოველთვის საუბრობდა სხეულის მოვლასა და კაცების გულის მონადირების გზებზე. გთავაზობთ რამდენიმე ცხოვრებისეულ რჩევას ჰელენისგან, რომელიც ალბათ ბევრ თქვენგანს გამოადგება.

 

სერიოზულად მიუდექი სიამოვნებას — „რა არის სექსუალური ქალი? ძალიან მარტივად, ეს არის ქალი, რომელიც სექსისგან სიამოვნებას იღებს“. ეს იყო განცხადება, რომელმაც საზოგადოება შოკში ჩააგდო, რადგან იმ დროისთვის ლამაზი ქალებისთვის ქორწინებამდე სექსი კატეგორიულად აკრძალული იყო, სიამოვნების მიღებაზე კი საუბარიც ზედმეტია. ჰელენი ფიქრობდა, რომ სიამოვნება ძალიან მნიშვნელოვანია, რადგან რაც მეტ სიამოვნებას იღებ, მით უფრო მეტს გასცემ.

 

იმუშავე და შეასრულე შენი მოვალეობები პირნათლად — მან საკმაოდ პატარა ასაკში დაიწყო მუშაობა და ვიდრე წარმატებული და მაღალანაზღაურებადი თანამშრომელი გახდებოდა 17 სხვადასხვა სამსახური გამოიცვალა. ამიტომ მან შესანიშნავად იცოდა შრომის ფასი და ყოველთვის ამბობდა: „არ მოითხოვო სწრაფი გლამური, მიეცი საკუთარ თავს დრო, რომ გახდე მოთხოვნადი“.

 

თან ატარე საჭმელი — შესაძლოა ბევრი ქალისთვის ეს სასაცილოდ ჟღერდეს, თუმცა ჰელენი ფიქრობდა, რომ სამსახურში საკვების ფულის დაზოგვით შეგიძლია დასასვენებელი ფულიც კი გადადო. გარდა ამისა, სახლში მომზადებული საკვები გაცილებით უფრო გემრიელი და სასარგებლოა.

 

მოუსმინე ხალხს — „არასდროს დაგავიწყდეს, რომ თუ მხოლოდ შენ ლაპარაკობ, აუცილებლად მოაბეზრებ სხვებს თავს“, — ამბობდა ბრაუნი. საუბარი ორმხრივი უნდა იყოს და არა მონოლოგის რეჟიმში.

 

დაჯექით სწორად — „დაჯექი სწორად, დადექი სწორად, იპოზიორე!“ — ეს მისი უკვდავი ფრაზაა. ის ფიქრობდა, რომ ლამაზად ჯდომა კარგ შთაბეჭდილებას უქმნის ადამიანებს.

 

დაე, შენი პრობლემები შენთვის სტიმული იყოს — ეს ფრაზა მისი ცხოვრებისეული გამოცდილებიდან მოდის. ჰელენის მამა ახალგაზრდა გარდაიცვალა, დედა კი დეპრესიაში ჩავარდა, და დაავადებული იყო დამბლით და ოჯახი ურთულეს სიტუაციაში აღმოჩნდა. მაშინ გოგონამ გადაწყვიტა პრობლემები მისთვის სტიმული ყოფილიყო და ცხოვრებაში ბევრისთვის მიეღწია. შედეგად, დღეს ჰელენ გურლეი ბრაუნის სახელი ძალიან ბევრმა ადამიანმა იცის.

ნანახია:(75)-ჯერ


Comments

comments



Related Articles

როგორ მოვხიბლოთ ძლიერი მამაკაცი?…

თითქმის ყველა ქალს სურს გვერდით ძლიერი მამაკაცი ჰყავდეს, თუმცა სინამდვილეში არ იცის ეს რასთანაა დაკავშირებული. ძლიერი მამაკაცი ოჯახში დომინანტია, მას


„ყველაფერი ისე არ ხდება როგორც ოცნებებშია, ზოგჯერ უკეთესადაც გამოდის“

ბავშვობაში და მერეც დიდობაში, როცა რაღაც გამიხარდებოდა ან ძალიან მომეწონებოდა, სასწრაფოდ მინდოდა იმ ადამიანისთვის გამეზიარებინა, ვინც ყველაზე ძალიან მიყვარდა. ასე


კბილების მდგომარეობით ადამიანის დაავადებების განსაზღვრა შეიძლება

კბილების მდგომარეობით ადამიანის დაავადებების განსაზღვრა შეიძლება. სხვანაირად რომ ვთქვათ, კბილები ჯანმრთელობის ინდიკატორია. ადამიანის ორგანიზმში ყველაფერი ურთიერთდამოკიდებულებაშია. კბილის ტკივილი არსებული პრობლემის


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*