ბრძოლა უძილობასთან ამერიკულად | Jolo.ge


ბრძოლა უძილობასთან ამერიკულად

ბრძოლა უძილობასთან ამერიკულად

ბეილორის სამედიცინო ცენტრის დირექტორმა, სუნილ მეტიუზმა მშვიდი ძილის ხელის შემშლელი 4 მთავარი ფაქტორი გამოყო. ესაა სტრესი, ალკოჰოლი, ტელევიზორი და ყავა.

თუ უძილობა უკვე ჩვეულ მდგომარეობად იქცა, როგორც წესი, მას ნევროზი და მოუსვენრობა მოჰყვება. ასეთ დროს ღამე დაძინება ძალიან ჭირს, ხასიათდება ფხიზელი ძილით, ხშირი გაღვიძებებით, კოშმარებით და ა.შ.

ექიმები გამოყოფენ უძილობის სამ ეტაპს:

პირველი ეტაპი: ჩაძინებასთან დაკავშირებული პრობლემები (ე.წ. პრესომნიური აშლილობა). ამ დროს ხშირია „ძილის არმოსვლის“ აკვიატებული შიში.

მეორე ეტაპი: ე.წ. ინტრასომნიური აშლილობა. ხასიათდება ღამის კოშმარებიდან ხშირი გაღვიძებებით, რომლის შემდეგაც ძალიან ჭირს ისევ დაძინება.

მესამე ეტაპი: პოსტსომნიური აშლილობა. მდგომარეობა, როდესაც რთულდება გაღვიძება დილით, ქვეითდება შრომის უნარიანობა და ჩნდება ძილიანობის შეგრძნება. ხშირია შემთხვევები, როდესაც ადამიანს ეჩვენება, რომ საერთოდ არ სძინებია, მაშინ, როდესაც სინამდვილეში მას მინიმუმ 5-6 საათი მაინც ეძინა.

მხოლოდ ძილის სწორი ჰიგიენა დაეხმარება ადამიანს, გაუმკლავდეს მრავალ სენს, — თვლის სუნილ მეტიუზი და უძილობასთან ბრძოლის საკუთარ მეთოდოლოგიას გვთავაზობს.

როგორ გავუმკლავდეთ უძილობას დამოუკიდებლად?

უნდა ვივახშმოთ დაძინებამდე არანაკლებ 2 საათით ადრე;

არ ღირს ლოგინის გადაქცევა სასადილო მაგიდად და ტელევიზორის საყურებელ ადგილად;

მიუხედავად იმისა, რომ მხოლოდ საღამოს გვაქვს დრო სპორტულ დარბაზში სასიარულოდ, ყველა ფიზიკური დატვირთვა დაძინებამდე 4 საათით ადრე უნდა დავასრულოთ;

ბოლო ფინჯანი ყავა დაწოლამდე 8 საათით ადრე უნდა დავლიოთ;

საძინებელში სხვა ოთახებისგან განსხვავებული ატმოსფერო უნდა შევქმნათ. იდეალურ შემთხვევაში, ის უნდა იყოს ნახევრად ბნელი, გრილი, მყუდრო, წყნარი ადგილი, ფარდაჩამოფარებული ფანჯრებით.

— დროთა განმავლობაში თქვენი ტვინი საძინებელს კინოთეატრად, ან სასადილოდ, არამედ დასასვენებელ ადგილად აღიქვამს, — გვპირდება სომნოლოგი.

ძილი ორთოპედიულ ლეიბზე უფრო ძლიერი და ჯანმრთელია, ვიდრე დივანზე;

სასურველია, დავიძინოთ ერთსა და იმავე დროს;

დაძინების ინდივიდუალური რეცეპტი უნდა მოვიფიქროთ. ეს შეიძლება იყოს იოგა, აბაზანა ან უბრალოდ ერთი ფინჯანი თბილი რძე თაფლით.

როგორ გამოვთვალოთ ძილისთვის აუცილებელი დღიური ნორმა?

ამბობენ, რომ ადამიანის ორგანიზმისთვის ძალების აღსადგენად 8 საათია საკმარისი. ეს არის წესი, რომლიდანაც არსებობს გამონაკლისიც. იმისთვის, რომ გავიგოთ ჩვენი ძილის დღიური ნორმა, საკმარისია, დავიმახსოვროთ, რომელ საათზე ვწვებით და რომელზე ვიღვიძებთ ჩვენით, მაღვიძარას გარეშე. იდეალურ შემთხვევაში, ეს გათვლები რამდენჯერმე უნდა გავაკეთოთ. სწორედ დროითი შუალედების საშუალო არითმეტიკული იქნება ჩვენი ორგანიზმისთვის აუცილებელი ძილის ყოველდღიური ნორმა.

და კიდევ, თუ არ გვინდა ღამით ყვავები ვითვალოთ, სჯობს დღის განმავლობაში ლოგინს საერთოდ არ გავეკაროთ. რაც არ უნდა ძლიერი იყოს ჩვენი ძილიანობის შეგრძნება, უნდა მოვითმინოთ საღამომდე — ღამის ძილი, განსაკუთრებით 22:00-02:00 სთ-ებში ბევრად უფრო სასარგებლო და სრულფასოვანია.

 

 

 

ნანახია:(100)-ჯერ


Comments

comments



Related Articles

„თქვენ არ გააგრძელებთ კითხვას სანამ არ ჩამოსხდებით“

ძვირფასო დედა და მამა! მას შემდეგ რაც კოლეჯში წავედი, იშვიათად გწერდით. მე ძალიან ვწუხვარ და ვნანობ რომ უყურადღებობას ვიჩენდი თქვენს


ნიდერლანდებში, შესაძლოა,დიზელსა და ბენზინზე მომუშავე ავტომობილები აკრძალონ

ნიდერლანდებში ეტაპობრივად შესაძლოა ისეთ მანქანებზე თქვან უარი, რომლებიც ბენზინსა და დიზელზე მუშაობს, –წერს რუსული მედია NLTimes.nl-ზე დაყრდნობით. გამოცემის ინფორმაციით, შესაბამისი


ქალაქები, სადაც ცხოვრებისთვისაც ფულს გიხდიან

ალბათ რთული წარმოსადგენია, რომ მსოფლიოში არსებობენ ქალაქები, რომლებში ცხოვრების შემთხვევაში გარკვეულ თანხას გადაგიხდიან. სინამდვილეში ასეთი რამდენიმე ქალაქი ნამდვილად არსებობს.  


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*