ბავშვობის გიჟური „სიყვარულები“ და გასვენებაში მოტანილ გვირგვინზე დაწერილი „მიყვარხარ“ | Jolo.ge


ბავშვობის გიჟური „სიყვარულები“ და გასვენებაში მოტანილ გვირგვინზე დაწერილი „მიყვარხარ“

ბავშვობის გიჟური „სიყვარულები“ და გასვენებაში მოტანილ გვირგვინზე დაწერილი „მიყვარხარ“

თაკო სონღულაშვილის ამ ფოტომ ჩემი ბავშვობის გიჟური «სიყვარულები» გამახსენა. ყველაზე ორიგინალური, ნაფიქრი და რომანტიული ისტორიებიდან კი ყველაზე მეტად ესენი მახსოვს:

ერთხელ ერთმა ბიჭმა ჩემი ძველი სტატიები მთხოვა, გადავიკითხავო. ვათხოვე. ჰოდა, აღარ მიბრუნებდა. ბევრჯერ მოვიკითხე. გავიდა დრო, ერთხელ სახლში ვესტუმრე და მისი ოთახის მთელს კედლებზე გაყვითლებული გაზეთები იყო ლურსმნებით მიჭედებული….ჩემი სტატიებით;

ეს კიდევ სხვაა, ბათუმური ამბავი. აღარც მახსოვს რა ერქვა, მგონი მეზღვაური იყო. ჰოდა, ერთხელ ერთი მანქანა მოლუსკები გამომიგზავნა. ცხოვრებაში გასინჯული არ მქონდა. არც გამისინჯავს…დიდხანს ვერ გავიყვანე სახლიდან თევზის სუნი…ის მოლუსკები კი, სანაპიროზე «გამაგრებულ» მოძრაობის თეატრის მსახიობებს დავურიგე. ბევრიც მლოცეს.

ესეც წინა საუკუნის: ერთმა გადარეულმა ბაბუას გასვენებაში მოტანილ გვირგვინზე დამიწერა — «მიყვარხარ».

კიდევ იყო ამბავი, უფრო ძველი, გარდასულ დღეთა მოგონება:
მე მიყვარდა ერთი ბიჭი. გამაბრაზა. დავშორდი და 260 ლექსი დავუწერე. არცერთი აღარ დამრჩა, მორიგმა შეყვარებულმა გამანადგურებინა ის რვეული.

კიდევ სხვა ბიჭიც იყო, სასიყვარულო წერილებს მწერდა სულ. ჩემი საპასუხო წერილებიც ჰქონდა.დაშორება რომ გადავწყვიტე, არ მინდოდა ჩემი წერილები დამეტოვებინა მისთვის. არ მიბრუნებდა არაფრით, ერთხელაც შეხვედრა ვთხოვე, «მუშთაიდის» ბაღში დავიბარე. მახსოვს, საშინლად წვიმდა. ზუსტად იმ დროს, როცა შეხვედრაზე მივიდა, ქუჩაში იდგა და სველდებოდა, მე მეგობართან ერთად მის სახლში მივედი. იქ მდგმურად იყო და გასაღები მეპატრონეს გამოვართვი. ყველა ჩემი წერილი მოვაგროვე და გავიქეცით…მახსოვს, მე და ჩემი მეგობარი გოგო «ვორონცოვზე» როგორ მივრბოდით — მე ბედნიერი და თავისუფალი…ფეხშველა, წვიმაში, გახარებული…მეგონა, რომ იმ წერილებთან ერთად ჩემი სიყვარულიც მოვპარე, დავიბრუნე — ღირსი იყო ის ბიჭი!

რანაირი იყო მაინც ის დრო. სულ სხვა ცხოვრება, სულ სხვა…. 

ქეთი ხოსიტაშვილი

წყარო: www.facebook.com

ნანახია:(232)-ჯერ


Comments

comments



Related Articles

„ისინი ბევრად აღემატებიან კაცებს და ყოველთვის ასე იყო“

«მე მგონი ქალებს ძალიან ეშლებათ რომ ცდილობენ კაცებთან გათანაბრებას. ისინი ბევრად აღემატებიან კაცებს და ყოველთვის ასე იყო. რაც არ უნდა


თვისება, რომელიც თქვენს ურთიერთობას გადაარჩენს

ურთიერთობაში ხშირად დგება გარკვეული კრიზისი და წყვილემა აღარ იციან როგორ გადაარჩინონ თავიანთი სიყვარული. პრობლემების სათავე მოდის იქიდან, რომ ადამიანები კარგავენ


8 რამ რაც მამაკაცს არ მოსწონს ქალში

ჩვენ, ქალებს გვაქვს ბევრი ხერხი, იმისთვის რომ მამაკაცის ყურადღება მივიპყროთ და მოვხიბლოთ ის კარგი მაკიაჟით, ან ლამაზი თმით. თუმცა რატომღაც


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*