„არ გაუღიმო, ნუ შეაქებ შიშით, ნუ დაუჯერებ და ნუ მიენდობი, ის ამით იკვებება“… | Jolo.ge


„არ გაუღიმო, ნუ შეაქებ შიშით, ნუ დაუჯერებ და ნუ მიენდობი, ის ამით იკვებება“…

„არ გაუღიმო, ნუ შეაქებ შიშით, ნუ დაუჯერებ და ნუ მიენდობი, ის ამით იკვებება“…

ნუ გეშინია!

უკიდეგანოდ რთულია, მაგრამ დამშვიდდი, ნუ გეშინია დაჩაგრულო ადამიანო.

შენს ტკივილს ვერ და არ გაიგებს მჩაგვრელი, ის ღვთისპირიდან გავარდნილია და გულით ბრმა.
მისი არსებობა დაშვებულია. მან უნდა გატკინოს, სული გაგიმწაროს, შეგაშინოს, შურაცხყოფა მოგაყენოს, ცილი დაგწამოს, დაგამციროს და დაგაკნინოს, რათა შენი სული გამოიბრძნედოს, გაძლიერდეს და თვალი აგეხილოს.

სარეველა ბალახი აუცილებელია, ის აფხვიერებს მიწას და სასარგებლო მცენარეს ხელს უწყობს ზრდაში. საჭირო მცენარე მალე იზრდება, ძლიერდება და ჰყვავის. ასე იზრდებიან ულამაზესი და ნაყოფიანი ხეები, სარეველა დაბლა რჩება და ჭკნება.

შენ უნდა გაძლიერდე დაჩაგრულო ადამიანო. გაძლიერდე მორალურად, მდგომარეობით, სულიერად და ფიზიკურად. მჩაგვრელი ვეღარ მოგწვდება, მოგშორდება, მარტო დარჩება და განადგურდება.

დამშვიდდი გულცრემლიანო და გულმოკლულო ადამიანო, დროებითია შენი წყენა, დაჩაგვრა და ტკივილი.

იყავი ბედნიერი და ამაღლებული იმით, რომ თავად არ ხარ მჩაგვრელი, შენ უფრთხილდები ადამიანის გულს და გიყვარს ის.

იყავი ბედნიერი და გახარებული, რომ არ ხარ ის უზნეო და უღმერო, რომელმაც ეშმაკს სული მიჰყიდა.
შენ ბედნიერი ხარ იმითაც, რომ არ შგიძლია და არ გინდა, სხვას სული ატკინო.

მჩაგვრელი დასჯილია თავისი გულბოროტებით, ის იტანჯება, გაავებულია და თავის შხამში იხარშება. მისი მოწოდებაა სხვაც ჩაითრიოს და იძულებული გახადოს ბრძოლა გამოუცხადონ.

მჩაგვრელის უნებლიე სიკეთე არ მიიღოთ, მჩაგვრელის მოჩვენებითი სითბო ახალი ბოროტებისთვის გამზადებული ხაფანგია.

მჩაგვრელს ზნე დაკარგული აქვს, ის გაჩნდა მორალის გარეშე, მისი მოწოდებაა ბოღმა ანთხიოს, მას სხვაგვარად არ შეუძლია.

დამშვიდდი დაჩაგრულო ადამიანო, დროებითია შენი წუხილი. მჩაგვრელს უნდა განერიდო, მისი არ შეგეშინდეს, არ გაუღიმო, ნუ შეაქებ შიშით, ნუ დაუჯერებ და ნუ მიენდობი, ის ამით იკვებება.

მჩაგვრელს განერიდე, მარტო დატოვე, ყურადღება არ მიაქციო და ის თავისით დამთავრდება.

გიორგი ჯაჯანიძე

ნანახია:(4753)-ჯერ


Comments

comments



Related Articles

სასიყვარულო ურთიერთობაში ჰარმონიას რომ მიაღწიოთ…

უნდა გჯეროდეთ თქვენი პარტნიორის; პატივი ეცით მის სურვილებს, მაგრამ არც საკუთარი დაივიწყოთ; უნდა შეგეძლოთ მისი ყურადღებით მოსმენა; გამოავლინეთ მის მიმართ


ჭკვიანი ბავშვების ჯანმრთელი საკვები — 12 შეუცვლელი პროდუქტი ტვინის მუშაობისათვის

ამ სიის თითოეული პროდუქტი შეიცავს ნივთიერებებს, რომლებიც გავლენას ახდენენ ტვინისა და ზოგადად ორგანიზმის მუშაობაზე. აუცილებლად დაამატეთ ეს პროდუქტები ბავშვის კვების


ჟაკლინ კენედის პასუხი ამერიკის პრეზიდენტს

ამერიკის პრეზიდენტი, ჯონ კენედი, მანქანით ცოლთან ერთად სადღაც მიდიოდა, როდესაც ავტოგასამართ სადგურზე გაჩერდნენ საწვავის ჩასასხმელად, ცოლი უეცრად მანქანიდან გადმოვიდა და


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*