ანტუან დე სენტ-ეგზიუპერის ლოცვა | Jolo.ge


ანტუან დე სენტ-ეგზიუპერის ლოცვა

ანტუან დე სენტ-ეგზიუპერის ლოცვა

ლოცვა დაწერილია ანტუან დე სენტ-ეგზიუპერის მიერ, მისი ცხოვრების ერთ-ერთ ყველაზე მძიმე პერიოდში. იგი შეგვახსენებს განსაკუთრებით მნიშვნელოვან საკითხებს და ღრმად აღწევს სულსა და გონებაში.

უფალო, ვითხოვ არა სასწაულებს და მირაჟებს, არამედ ძალას ყოველი დღისთვის. მასწავლე პატარა ნაბიჯებით სვლის ხელოვნება.

მაქციე მე დაკვირვებულად და საზრიანად, რათა ყოველდღიური ცხოვრების მრავალფეროვნება დაეფუძნოს იმ აღმოჩენებს და გამოცდილებას, რაც მე მაღელვებს.

მასწავლე მე საკუთარი ცხოვრების დროის სწორად განკარგვა. მომანიჭე ზუსტი ალღო, რათა გავარჩიო მნიშვნელოვანი მეორეხარისხოვნისგან.

მე გთხოვ, მომცე ძალა თავშეკავებისა და ზომები საიმისოდ, რომ ცხოვრებაში არ ვიფარფატო და ვისრიალო, არამედ ჭკვიანურად დავგეგმო დღე, რათა დავინახო მწვერვალები და სიშორეები, და იშვიათად მაინც მომეცეს შესაძლებლობა, დავტკბე ხელოვნებით.

დამეხმარე მე, შევიგნო, რომ ოცნებები საშველი არ არის – არც ოცნება წარსულზე, არც მომავალზე. დამეხმარე, ვიყო აქ და ახლა და მივიღო ეს წუთი, როგორც ყველაზე მნიშვნელოვანი.

მიხსენ მე გულუბრყვილო რწმენისგან, რომ ცხოვრებაში ყველაფერი შეუფერხებლად უნდა იყოს. მომეცი იმის ნათელი შეცნობა, რომ სირთულეები, მარცხი, დაცემა და წარუმატებლობები ცხოვრების ბუნებრივი შემადგენელი ნაწილებია, რომელთა მეშვეობითაც ჩვენ ვიზრდებით და ვჭკვიანდებით.

შემახსენე მე, რომ გული ხშირად კამათობს გონებასთან.

ვიცი, რომ ჩემი ზოგიერთი პრობლემა თავისთავად მოგვარდება. ასე რომ, მასწავლე მე მოთმინება.

შენ იცი, რა ძალიან ვსაჭიროებთ ადამიანები მეგობრობას. ღირსი გამხადე ბედის ამ ულამაზესი და უნაზესი საჩუქრის.

მომანიჭე მე მდიდარი ფანტაზია, რათა საჭირო მომენტში, საჭირო დროს, საჭირო ადგილას, მდუმარებით თუ საუბრით, მივცე ვინმეს აუცილებელი სითბო.

მაქციე ადამიანად, რომელსაც შეუძლია მისწვდეს მათ, ვინც ყველაზე „დაბლაა“.

დამიცავი მე ცხოვრებაში რამის გამოტოვების შიშისგან.

მომანიჭე არა ის, რაც საკუთარი თავისთვის მსურს, არამედ ის, რაც აუცილებლად მჭირდება.

მასწავლე პატარა ნაბიჯებით სვლის ხელოვნება.

ნანახია:(591)-ჯერ


Comments

comments



Related Articles

ვინა ხარ? სად მიდიხარ? რატომ მიდიხარ?

ერთხელ ჯარისკაცმა, რომელიც იცავდა გზას, გააჩერა ბერი. ამოიღო ქარქაშიდან ხმალი და მკაცრი ხმით ჰკითხა: — ვინა ხარ? — სად მიდიხარ?


თუ რაიმე გინდათ და არ გაქვთ, ეს მხოლოდ იმის გამო რომ…

…რითი განსხვავდება ეგრე წოდებული „ფსიხოზი“ ეგრე წოდებული „ნერვიული აშლილობისაგან»? გაინტერესებთ? ფსიხოზის შემთხვევაში მტკიცებულება 2+2=4 იწვევს მსუბუქ დაცინვას, ხოლო ნერვიული აშლილობის


როცა არ მოგწონს სარკეში ანარეკლი

გარე სამყარო ჩვენი შინაგანი პროგრამებისა სარკეა და აირეკავს ამ პროგრამებს, ადამიანების და გარემოებების მეშვეობით. აღსანიშნავია, რომ ანარეკლით უკმაყოფილო ადამიანი მუშაობს


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*