„ამ დროს სიმშვიდეა საჭირო, აგრესიით და ჯიბრით ყველაფერს გააფუჭებ“… | Jolo.ge


„ამ დროს სიმშვიდეა საჭირო, აგრესიით და ჯიბრით ყველაფერს გააფუჭებ“…

„ამ დროს სიმშვიდეა საჭირო, აგრესიით და ჯიბრით ყველაფერს გააფუჭებ“…

თუ ადამიანი ყურადღებით არ მოგექცა და არ მოგიკითხა, გული არ დაგწყდეს, გაუგე. მერე შენც თავისუფლდები ვალდებულებისგან მოიკითხო და ყურადღება გამოიჩინო.

თუ ადამიანმა დაგიშავა ოდესმე, გული გატკინა, სიკეთით გადაუხადე. დამიჯერე, იამაყებ, ბედნიერი იქნები საკუთარ უარყოფით დამოკიდებულებას და ემოციას რომ აჯობე.

ყველასგან არ მიიღო საჩუქარი, პატივისცემა და ყურადღება, მერე შეიძლება სანანებელ გაგიხდეს.

შენ გაკეთებულ სიკეთეს ხაზს ნუ გაუსვამ, რაც შეიძლება დაფარულად და უანგაროდ აკეთე, ესეც გაგაბედნიერებს. ამაყი იქნები საკუთარ თავთან და სიხარული ჩაგეღვრება სულში.

თუ დიდი საქმეები აკეთე, მარტო შენ ნუ დაიბრალებ, ადამიანების დახმარების გარეშე ვერაფერს შექმნიდი, შედევრიც რომ გამოგივიდეს შემფასებლებიც კი მონაწილეები არიან.

თვითკმაყოფილებას ამპარტავნება შობს, ისე შედის ადამიანში, სიკვდილამდე ვერ ხვდებიან.

არ არსებობს მუდმივი გამართლება, მარცხი შემადგენელი ნაწილია წინსვლის და გამარჯვების.

აღარ მახსოვს ბოლოს რა მეწყინა.
ჯობია მე ვერ გამიგონ და მეწყინოს, ვიდრე, მე ვერ გაუგო და ვაწყენინო.

გრძნობა, ლტოლვა და ვნება, სულში და სხეულშია, ამ დროს გონების მართვა თითქმის შეუძლებელია.

თუ უსამართლოდ მოგექცენ, შეურაცხყოფა მოგაყენეს და დაგჩაგრეს, ამის გამო გაბრაზებული, აგრესიული და შეშფოთებული ხარ, ცუდია. ეცადე სიმშვიდე მოიპოვო, გეგმა დასახო და მოვლენებს დაელოდო, უფრო მეტი შეცდომები არ დაუშვა. ამ დროს სიმშვიდეა საჭირო, აგრესიით და ჯიბრით ყველაფერს გააფუჭებ.

დამარცხების დროს თუ ადამიანები გვერდით არ დაგიდგნენ და არ გიერთგულეს, არ იდარდო, არ გეწყინოს, ისინი არაფერ შუაში არ არიან. ამ დროს სიკეთეს მხოლოდ რჩეულები სჩადიან, ესენი შეიძლება სულ სხვა ადამიანები იყვნენ, ისინი განგებამ გამოგიგზავნა, შენი ჩადენილი სიკეთის გამო.

ბედნიერს და ღვთისნიერს ეძლევა განგების ძალა, რათა სიკეთე აკეთოს, დიდი სითბო გამოიჩინოს დაჩაგრულის მიმართ, გაჭირვებაში და ლხინში გვერდით დაუდგეს.

დიდი პატივია და კარგის ნიშანი, როცა ადამიანი თავის მიცვალებულს გადარებს.

გიორგი ჯაჯანიძე

ნანახია:(325)-ჯერ


Comments

comments



Related Articles

მის მიღმა კი ჩვენ ვართ ნამდვილები, ბედნიერები, მშვიდები, თავისუფლები …

რისი მჯერა? ✨☀️✨ მჯერა იმის, რომ თითოეული ჩვენგანი იმსახურებს იყოს ბედნიერი და რომ ბედნიერება ჩვენი ბუნებრივი მდგომარეობაა ✨💛🌈☀️🌈💛✨ უბრალოდ ამის


„გაბედული იმორჩილებს მათ და განაგრძობს მოძრაობას წინ»

«ნამდვილი სიმამაცეა მიუხედავად უამრავი შიშისა, იმოძრაო გაურკვეველი მიმართულებით. სიმამაცე ეს არაა შიშის არქონა. რაც მეტს გაბედავ, უფრო უშიშარი გახდები. თავიდან


„მე მეუბნებოდი თავი შორს დაიჭირე მაგ ქალისგანო და შენ თავად რას აკეთებ?“

შუასაუკუნეების ევროპაში ძალიან გავრცელებული და პოპულარული გახლდათ ჰენრი დ’ანდელის (Henri D’ Andeli) მიერ დაწერილი პატარა იუმორისტული ამბავი არისტოტელეს შესახებ. ისტორია


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*