»ალბათ, ამიტომაც მიყვარხარ და უშენობა არ გამომდის…» | Jolo.ge


»ალბათ, ამიტომაც მიყვარხარ და უშენობა არ გამომდის…»

»ალბათ, ამიტომაც მიყვარხარ და უშენობა არ გამომდის…»

როგორ განვსხვავდებით ერთმანეთისგან…

შენ გინდა, უყვარდე…

მე მინდა, მიყვარდეს…

და მაინც, ორივეს სიყვარული გვინდა…

როგორ არ ვგავართ ერთმანეთს…

შენ სულ გეშინია, სულ გადარჩენას ცდილობ, მაგრამ იმალები იქ, სადაც ჰაერიც კი არ გყოფნის…

მე სულ გარეთ მინდა, მინდა ვიცოცხლო და ვისუნთქო ხარბად…

და მაინც, ჩვენ ორივეს გვინდა სიცოცხლე…

როგორ სხვადასხვა ვართ…

შენ გინდა, შენეული ქაოსით მოიპოვო ბედნიერება…

მე მინდა ჩემეული წესრიგი შევქმნა და ვიბედნიერო ყოველი წამით…

და მაინც, ორივეს ჩვენეული ბედნიერება გვინდა…

როგორ ძალიან განვსხვავდებით…

შენ გინდა, სულ გეძინოს და ჩაძირული იყო ლამაზ და ფერად სიზმრებში, სადაც სითბო და სიყვარულია…

მე მინდა, ყოველდღე გავიღვიძო, შევქმნა და განვიცადო სითბო, სილამაზე და სიყვარული…

და მაინც, ღამით ორივეს გვძინავს და ფერადი სიზმრებით ვტკბებით…

როგორი სხვადასხვანაირები ვართ…

შენ გინდა იყო შენთვის და არაფერი განსაკუთრებული არ შექმნა…

მე კი… მე ვიწვი შემოქმედებითი ცეცხლით და უიმისოდ ცარიელი ვარ…

და მაინც, როცა ცარიელი ვარ, როცა ვარ ჩემთვის და არაფერს ვქმნი, როცა სიზმრები მირჩევნია რეალობას, როცა ვიმალები ან ქაოსში ვიწყებ ბედნიერების ძებნას, როცა სიგიჟემდე მინდება, ვინმეს უზომოდ ვუყვარდე, მე ვარ შენ…

ალბათ, ამიტომაც მიყვარხარ და უშენობა არ გამომდის…

და ხშირად ჩვენ ორივეს გვძინავს…

მაგრამ მე აღარ მინდა ძილი…

ვიღვიძებ…

ავტორი: ნატა თვალაძე

ნანახია:(373)-ჯერ


Comments

comments



Related Articles

ამის წყალობით თქვენი ქორწინება მუდმივი იქნება…

  ურთიერთობა დასაწყისში ზღაპარს ჰგავს, თუმცა დროის გასვლის შემდეგ თითქოს უფერულდება, სინამდვილეში ამას თავად წყვილები უწყობენ ხელს. თანაცხოვრების შემდეგ ისინი


ამის გამოვლენა მხოლოდ  ნაზ ქალს შეუძლია …

🌺ქალის ცხოვრებაში ქალურობის მნიშვნელობა. გაორების დროს ჩვენ ვამჩნევთ, რომ გვიზიდავს წინააღმდეგობები. მაგალითად: ხუჭუჭათმიანი ქალები ოცნებობენ სწორ თმებზე, თუ მკაცრად აღზრდილნი


არასდროს გააკეთოთ მამაკაცისთვის ეს 6 რამ!

ყველა გოგონა მხოლოდ ქალურ ბედნიერებაზე ოცნებობს, თუმცა მამაკაცებს ყოველთვის არ ესმით ამის არსი და ბევრი ქალი მამაკაცის როლს საკუთარ თავზე


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*