5 სიმართლე ცხოვრების შესახებ | Jolo.ge


5 სიმართლე ცხოვრების შესახებ

5 სიმართლე ცხოვრების შესახებ

იმისთვის, რომ ვიყოთ წარმატებულები, მივაღწიოთ დასახულ მიზანს, ან უბრალოდ, იმისთვის, რომ გადავრჩეთ, ყველა ჩვენგანს ბევრი დაბრკოლების გადალახვა უწევს.

ზოგჯერ ვცდილობთ, არ ვაღიაროთ ეს დაბრკოლებები იმიტომ, რომ ძალიან რთულია. რთულია, თვალი გაუსწორო და პირდაპირ შეხედო პრობლემას, მაგრამ რამდენადაც რთულია ასე მოქცევა, იმდენად საჭირო და აუცილებელი გახლავთ.

ბუდისტური ფილოსოფიის მიხედვით, ბედნიერება გულისხმობს ცხოვრების უარყოფითი მხარეების მიღებასაც.

გთავაზობთ 5 სიმართლეს ცხოვრების შესახებ ბუდიზმის მიხედვით:

დარდი უსარგებლოა — ის რეალურად არ გეხმარებათ პრობლემების მოგვარებაში. შესაძლებელია რომ დარდმა შეცვალოს ის, რაც უკვე მოხდა, ან მოაგვაროს პრობლემა? — რა თქმა უნდა, არა. დარდი უბრალოდ დროის ფუჭად ხარჯვაა. შფოთვითა და წუხილით ცხოვრებას კიდევ უფრო იმძიმებთ და ირთულებთ. მაშინაც კი, როცა ცხოვრება ისე არ მიდის, როგორც თქვენ გსურდათ, არ დანებდეთ, სცადეთ გააკეთოთ საუკეთესო. თუ არ იცით როგორ უბრალოდ გაიღიმეთ და დატკბით ყველა იმ მომენტით, რომლებსაც ცხოვრება გთავაზობთ.

თუ გვსურს, რომ ვიყოთ ბედნიერები, უნდა მივიღოთ ცხოვრება ისეთი, როგორიც არის — უნდა იყოთ გახსნილები. ბევრი ჩვენგანი ცდილობს მხოლოდ პოზიტივი დიანახოს და ნეგატივს თავს არიდებს, მაგრამ იმისთვის, რომ ნეგატივისგან მთლიანად გათავისუფლდეთ აუცილებელია, თვალი გაუსწოროთ მას.

უნდა შეგვეძლოს დავინახოთ როდის არის ცვლილების დრო და არ უნდა შეგვეშინდეს ამ ცვლილებების — დროთა განმავლობაში ყველაფერი იცვლება და უნდა შეგვეძლოს ამ ცვლილებებთან შეჩვევა. ამასთანავე, უნდა ვხედავდეთ როდის გვჭირდება რაიმეს შეცვლა და უნდა გადავდგათ ქმედითი ნაბიჯები უკეთესი ცხოვრებისკენ.

ჩვენ ვფიქრობთ, რომ ბედნიერება რაღაც საოცარი და ამაღელვებელია, მაგრამ ეს არის ბედნიერების ჩვენ მიერ წარმოსახული ვერსია. ჩვენ ბედნიერების მუდმივ დევნაში ვართ, მაშინ, როცა შესაძლოა სწორედ ახლა, ამ მომენტში ვართ ბედნიერები. ნამდვილად ბედნიერია ის, ვისაც შეუძლია მოიპოვოს შინაგანი სიმშვიდე და იყოს კმაყოფილი იმ ცხოვრებით, რომელიც აქვს.

მედიტაცია ტკივილის დაძლევის საუკეთესო გზაა — მედიტაციის საშუალებით მიიღწევა სიმშვიდე, ადამიანი ხდება უფრო შემოქმედებითი და კონცენტრირებული კონკრეტულ მიზანზე. გარდა ამისა, მედიტაციას აქვს ტკივილისგან გათავისუფლების ძალა. მისი საშუალებით შეგიძლიათ უფრო მკაფიოდ დაინახოთ თქვენი პრობლემების არსი და ყველანაირი ცუდი განცდა და გრძნობა განდევნოთ.

 

ნანახია:(5333)-ჯერ


Comments

comments



Related Articles

როგორ დავიბრუნოთ საკუთარი თავის რწმენა და პატივისცემა? — ხათუნა მუზაშვილი

„დაიმახსოვრეთ — საკუთარ თავში დარწმუნებული და ბედნიერი ყველაზე მეტად თქვენივე თავს სჭირდებით“- წერს ფსიქოლოგი ხათუნა მუზაშვილი …   1. რაც


ყოველთვის გახსოვდეთ, ერთადერთი ვისაც შეუძლია მოახდინოს გამოჯანმრთელება — თქვენი სხეულია

…ვერავინ ვერ შეძლებს თქვენს გამოჯანმრთელებას, თქვენივე თავის გარდა…ისევე როგორც თქვენს მაგივრად ვერავინ შეჭამს ან გაიცინებს… მნიშვნელობა არა აქვს რამდენი ადამიანია


5 დაუნდობელი მიზეზი, რატომაც არ ხარ წარმატებული

1. არ გაქვს ხედვა და არ იცი, როგორ გამოიყურება წარმატება ყველაზე გავრცელებული მიზეზი, რატომაც ადამიანები ვერ აღწევენ წარმატებას, არის ის,


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*