4 მიზეზი, რატომ არ აყავხართ სამსახურში | Jolo.ge


4 მიზეზი, რატომ არ აყავხართ სამსახურში

4 მიზეზი, რატომ არ აყავხართ სამსახურში

დასაქმება ბევრი ახალგაზრდისთვის ერთ-ერთი მთავარი პრობლემაა. აგზავნით თქვენს რეზიუმეს სხვადასხვა პოზიციაზე, პასუხი კი არა და არ ჩანს. გიჩნდებათ კითხვა: რას აკეთებთ არასწორად? რატომ არ ხართ დამსაქმებლისთვის საინტერესო? თუ ამ კითხვებზე პასუხი გსურთ, ყურადღებით წაიკითხეთ სტატია:

 

არასწორად არჩევთ პოზიციას — ადამიანთა უმრავლესობა დამსაქმებლის მოთხოვნებს სრულად არ კითხულობს (ზოგიერთი საერთოდაც არ კითხულობს) და აგზავნის რეზიუმეს. დამსაქმებელი მოთხოვნების სიას იმიტომ ადგენს, რომ აინტერესებს, რამდენად შეესაბამებით მას, რათა გაუადვილდეს კადრის შერჩევა, თუ თქვენ არ წაიკითხავთ მოთხოვნებს, ბუნებრივია, დიდი შანსია აღმოჩნდეს, რომ თანამდებობისთვის სრულიად შეუფერებელი ხართ.

 

ხშირად იცვლით სამსახურს — ახალგაზრდები სასურველი სამსახურის ძებნაში ძალიან ხშირად იცვლიან სამუშაო ადგილებს, რაც დამსაქმებლისთვის თავსატეხი ხდება. თუ თქვენ ერთ ადგილას ერთ წელზე მეტხანს არ გიმუშავით, სასურველი კადრი არ ხართ, რადგან, როგორც წესი ორგანიზაციას შესაფერისი თანამდებობისთვის კადრის მომზადება საშუალოდ 6-8 თვე უჯდება და თუ ის მომზადებიდან რამდენიმე თვეში წავა, დამსაქმებლისთვის ეს წყალში ჩაყრილი მატერიალური და გონებრივი რესურსი გამოდის.

 

ბოლო 6 თვეა სამსახური არ გქონიათ — დამსაქმებლისთვის თუ ბევრი სამსახური პრობლემაა, გაცილებით დიდ პრობლემას წარმოადენს ძალიან ცოტა სამსახური. თუ თქვენ ბოლო 6 თვის განმავლობაში უმუშევარი ხართ დიდი შანსია, რომ დამსაქმებელმა თქვენი რეზიუმე არც განიხილოს.

 

პოზიციისთვის ზედმეტად კვალიფიციური ხართ — უცნაურად ჟღერს? სინამდვილეში, ეს ძალიან მარტივი ფსიქოლოგიაა. ბევრი ადამიანი თვლის, რომ სტაბილურობისთვის ურჩევნია მისი შესაძლებლობებისთვის გაცილებით დაბალი საფეხურისთვის იბრძოლოს, თუმცა დამსაქმებელი, როდესაც ხედავს რეზიუმეს პოზიციაზე, რომელიც აშკარად ნაკლებად სასურველია კონკრეტული პირისთვის უჩნდება ეჭვი, რატომ სურს ასეთ კვალიფიციურ კადრს დაბალ საფეხურზე მუშაობა. შესაძლოა ამან მას თქვენს გულწრფელობაში შეატანინოს ეჭვი ან ნაკლებ-ამბიციურად ჩაგთვალოთ, რაც კვალიფიციური კადრისთვის უარყოფითი თვისებაა.

ნანახია:(1075)-ჯერ


Share on FacebookShare on Google+Tweet about this on TwitterShare on LinkedIn

Comments

comments



Related Articles

დაიწყე შესაძლებლობების დანახვა, რომლითაც სავსეა ჩვენი სამყარო

რატომ აწყობს სისტემას [მატრიცას] მოლოდინის აგენტების არსებობა? დაფიქრებულხარ ამაზე? საბავშვო ბაღიდან ველოდებით სკოლის დაწყებას. სკოლაში შევალთ და უმაღლესში ჩაბარების მოლოდინის


7 ნაბიჯი ბედნიერი და ენერგიული დილისთვის

ნაკლები ძილის გამო თავი გტკივა? გეზარება საწოლიდან წამოდგომა?  საერთოდაც მთელი დღე უკვე საშინლად გეჩვენება? არა, არ  დანებდე, დილა ხომ მთელი


თუ გინდა გახდე სასურველი ქალი

ვისაც სურს სრულყოფილად დაეუფლოს ჰარმონიული ურთიერთობის წარმართვის ხელოვნებას; გააუმჯობესოს დამოკიდებულება და შეცვალოს ხედვა, როგორც საკუთარი თავისადმი, აგრეთვე საპირისპირო სქესისადმი;  20 ოქტომბერს


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*