10 მწარე სიმართლე, რომელიც ადამიანს უფრო აძლიერებს | Jolo.ge


10 მწარე სიმართლე, რომელიც ადამიანს უფრო აძლიერებს

10 მწარე სიმართლე, რომელიც ადამიანს უფრო აძლიერებს

ალბათ, ბევრს გვახასიათებს ათასი მიზეზის მოძებნა და საქმის გადადება ხვალისთვის ან საკუთარ წარუმატებლობაში სხვა ადამიანების დადანაშაულება. ეს ყველაფერი კი მხოლოდ ჩვენს სისუსტეზე მიუთითებს.

  1. არავინ დაგვეხმარება, საკუთარი თავის გარდა

საკუთარ ცხოვრებასა და კეთილდღეობაზე თავად აგებთ პასუხს. არ არის საჭირო ლოდინი, რომ ვინმე მოვა და თქვენს საქმეს გააკეთებს. ვერც ნერვიულობით გადაჭრით პრობლემებს. თუკი საკუთარი მდგომარეობით უკმაყოფილო ხართ, ვითარების სადავეები საკუთარ ხელში უნდა აიღოთ.

 

  1. ვიდრე თითს არ გაანძრევთ, თქვენს სიტყვებს ფასი არ აქვს

შეგიძლიათ, მთელი დღე იჯდეთ და ილაპარაკოთ მსოფლიოს უკეთესად მოწყობაზე, მაგრამ სანამ მოქმედებას არ დაიწყებთ, მანამდე თქვენი იდეების ფასი ნულის ტოლია.

 

  1. წარსული წარსულში უნდა დარჩეს

რა თქმა უნდა, წარსულ შეცდომებზე უნდა ვისწავლოთ, მაგრამ მუდმივად მათზე ფიქრი და სინანული არ ღირს. აქცენტი გადაიტანეთ იმაზე, რაც ახლა ხდება, წარსული კი, უბრალოდ, გამოცდილებად გამოიყენეთ.

 

  1. არავინაა ისე დაკავებული, რომ ვერ გიპასუხოთ

როცა ადამიანი ყურადღებას არ გაქცევთ, ნუ ეცდებით, მისი უყურადღებობა მოუცლელობით ახსნათ. შეუძლებელია, წუთი ვერ გამონახოს, რათა დაგირეკოთ ან შეტყობინებაზე გიპასუხოთ. აქ საქმე პრიორიტეტებშია. თუკი მეგობარი თქვენთვის ვერ იცლის ან ნათესავებს მხოლოდ მაშინ ახსენდებით, როცა დასჭირდებით, იცოდეთ, რომ ამ ადამიანებს თქვენთან კონტაქტი დიდად არ სურთ. რაც უფრო მალე შეწყვეტთ მათ გამართლებას, მით უფრო სწრაფად იპოვით თქვენს ჭეშმარიტ დამფასებლებს.

 

  1. ყველაფერი გეგმის მიხედვით არ მიდის

თქვენ შეიძლება, იდეალური გეგმა მოიფიქროთ, მაგრამ რაღაც წვრილმანი ყველაფერს თავდაყირა დააყენებს. რას იზამთ, ცხოვრება ხომ მოულოდნელობებითაა სავსე. ყველაფრისთვის მზად უნდა იყოთ და ხელები არ უნდა ჩამოუშვათ. ყოველთვის უნდა გქონდეთ გეგმა „ბ“.

 

  1. შეუძლებელია, ყველას ასიამოვნოთ

ტყავიდანაც რომ ამოძვრეთ, ყველას მაინც ვერ ასიამოვნებთ და ვიღაც მუდმივად თქვენს კრიტიკაში იქნება. ზოგჯერ სასურველია, სხვის აზრსაც მოუსმინოთ, თუმცა ასად ხომ ვერ გაიხლიჩებით. ასე რომ, მოიქეცით ისე, როგორც საჭიროდ მიიჩნევთ.

 

  1. ყველაზე მძიმე დამოკიდებულება — ეს კომფორტზე დამოკიდებულებაა

გამოდით თქვენი კომფორტის ზონიდან და თქვენ წინ ახალი ჰორიზონტი გადაიშლება. მხოლოდ ახალ სიძნელეებთან ჭიდილში ისწავლით ცხოვრებას.

 

  1. ამ სამყაროს თქვენი არაფერი მართებს

როგორი ჭკვიანი და ლამაზიც არ უნდა იყოთ, არ შეიძლება ერთ ადგილას ჯდომა და ლოდინი, როდის დაგეცემათ ბედი თავზე. თუკი ცხოვრებაში წარმატების მიღწევა გსურთ, წინ ხანგრძლივი და მძიმე შრომა გელით.

 

  1. არ შეიძლება მუდმივად მიზეზების მოგონება

ცხოვრების მთავარი მიზნისკენ მოძრაობისას ნუ იწუწუნებთ მოუცლელობაზე, უფულობასა და დაღლილობაზე. დაალაგეთ პრიორიტეტები, მიზანდასახულად იარეთ წინ და ნუ მოიგონებთ ახალ-ახალ მიზეზებს „შესასვენებლად“.

 

  1. წვრილმან პრობლემებზე ნუ ჩაიციკლებით

როცა ცხოვრებაში წვრილმანი პრობლემები გიჩნდებათ, ნუ იფიქრებთ მათზე კვირაში 7 დღე და დღეში 24 საათი. თუკი მუდამ წვრილმან პრობლემებზე იქნებით მიმართული, მაშინ შეიძლება ცხოვრების მიერ მორთმეული დიდი შესაძლებლობები გამოგრჩეთ.

წყარო:notifications.ge

ნანახია:(610)-ჯერ


Comments

comments


Related Articles

„როგორ მასწავლა ცხოვრებამ მოლოდინის გაშვება და სამყაროს ნდობა“

მთელი ცხოვრება ჩართული მქონდა მოლოდინის რეჟიმი. ჯერ ველოდებოდი მშობლებისგან, ახლობლებისგან, მეგობრებისგან, უცხოებისგან, საკუთარი თავისგან, მეუღლისგან… ასე დაუსრულებლად წრეში ვტრიალებდი. ამიტომაც იყო


თუ გინდათ, რომ გქონდეთ მეტი …

რა აქვთ წარმატებულ და წარუმატებელ ადამიანებს საერთო? გეტყვით, — ორივეს სძულს იმის გაკეთება რაც წარმატებისთვის არის საჭირო, მაგრამ წარმატებულები მაინც


სასარგებლო რჩევები მეტი თავდაჯერებულობისთვის

თავდაჯერებულობა ის ატრიბუტია, რომელსაც ყველა ადამიანი ისურვებდა, მაგრამ უმრავლესობამ არ იცის როგორ მიაღწიოს მას. თუ თქვენ ხართ თავდაჯერებული, მაშინ სხვებიც


No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*